Միապետության վերականգնումը չպետք է լինի հանրաքվեի միջոցով: Ցավով պետք է արձանագրել, որ մեր բնակչությունը վերջին ողբերգալի իրադարձություններով և իր խայտառակագույն ընտրությամբ ապացուցեց, որ չի կարող իրականացնել կառավարում կամ ընդունել խելամիտ որոշումներ: Այս մասին ֆեյսբուքյանիր էջում գրել է փաստաբան Տիգրան Աթանեսյանը։
«Պետք է հրավիրվի Հիմնադիր ժողով, որը կդադարեցնի սահմանադրության գործողությունը, կընդունի միապետական Հիմնական օրենքը, կսահմանի անցումային շրջան, կնշանակի երկրի կառավարիչ՝ մինչև արքայի հրավիրումը և օծումը:
Սավոյան դինաստիայի ներկայացուցչի գահակալումը կապացուցի մեր պատմական ժառանգականությունը, կապը եվրոպական քաղաքակրթության հետ: Չմոռանանք նաև, որ ի տարբերություն այս հանրապետության, Հայոց արքան, ով ժառանգականություն կունենա մեր հին արքաներից, Հայաստան ասելով կարող է և իրավասու է ի նկատի ունենալ պատմական Հայաստանը:
Հիմնադիր ժողով հրավիրելու կարգի մասին կխոսեմ հաջորդիվ»,- գրել է Աթանեսյանը:
