Ես կուզեի ինչ-որ մի տեղից դադարեն մեկ մարդու թելադրանքով առաջնորդվել և ունենան սեփական սկզբունքներ. Աղվան Վարդանյան

ԱԺ պետաիրավական հանձնաժողովի նիստի ժամանակ «Հայաստան» խմբակցության պատգամավոր Աղվան Վարդանյանն առաջարկեց Արցախի հարցով հանձնաժողով ստեղծել։

«Հատկապես այս փուլում, երբ ընթանում են տարբեր գործընթացներ Արցախի, Հայաստանի շուրջ, պետք է կարողանանք իբրև խորհրդարանական երկիր մեր մշտական հանձնաժողովների գործառույթներում Արցախի խնդիրները, Արցախին առնչվող հարցերը ներառել»,-ասաց Աղվան Վարդանյանը։

Վերջինս իշխանական պատգամավորներին հորդորեց որոշում կայացնելիս առաջնորդվել այն ապագայով, որը տեսնում են։ Նրա խոսքով Արցախի հարցով հանձնաժողովի բացառումն ԱԺ-ի օրակարգում մեր ինքնիշխանության և սուբյեկտայնության մասին չի խոսում։