Իմ յուրաքանչյուր առանցքային հրապարակումից հետո պետք է բուսնեն խելացի դեմքով ինչ-որ մարդիկ ու փորձեն մարդկանց համոզել, որ ես ստում եմ։ Նման հայտարարությամբ է հանդես եկել լրագրող Նաիրի Հոխիկյանը։
« Հետո այդ մարդիկ լռում են, իսկ օրեր կամ շաբաթներ անց հաստատվում է իմ ասածի իսկությունը, բայց այդ «ռեվիզորներն» արդեն չկան, անհետացել են։ Նրանք թիթեռի կյանք ունեն, նրանց համար հեղինակությունը արժեք չունի, դրա համար կարող են պատվերով աջուձախ հայհոյել, վարկաբեկել և ուղղակի հեռանալ։
Ախր ինչու համառորեն չեն հասկանում, որ իրենց ցերեկով անցած ճանապարհը ես գիշերը փակ աչքերով եմ անցել ու անցնում, և իմ յուրաքանչյուր հրապարակում ունի փաստական ապացույցներ։ Ինչո՞ւ են ամեն անգամ նոր մարդկանց խայտառակում իրենց անգրագիտությամբ ու էժան հակաքարոզչությամբ»,- գրել է .Հոխիկյանը։
