Արցախում 440 միայնակ թոշակառուները կապահովվեն պարենամթերքով և հիգիենիկ պարագաներով

Նոր տեսակի կորոնովիրուսային վարակի (COVID-19) տարածումը կանխելու և աշխատողների անվտանգ ու առողջության համար անվնաս պայմաններ ապահովելու նպատակով Արցախի Հանրապետության աշխատանքի սոցիալական հարցերի և վերաբնակեցման նախարարության կողմից իրականացվել են մի շարք միջոցառումներ։

Նախարարությունում ապահովվել են աշխատատեղում գտնվող մարդկանց քանակը նվազեցնելուն ուղղված ճկուն աշխատանքային պայմաններ՝ հղի կանանց, նախադպրոցական, դպրոցական տարիքի և հատուկ խնամք պահանջող երեխա ունեցող, 60 և ավելի տարիքի, ինչպես նաև առողջական խնդիրներ ունեցող 35 աշխատակիցների համար:

«Նախարարության մասնաշենքերի սենյակները, դռներն ու դրանց բռնակները օրական 2 անգամ ՝ ժամը 13:00-ին և 18:00-ին, ախտահանվում են քլորի հիմքով ախտահանիչ միջոցներով: Աշխատանքի բնույթով պայմանավորված՝ քաղաքացիների հետ հաճախակի շփվող աշխատակիցներն ապահովվել են բժշկական դիմակներով, ձեռնոցներով ու ալկոհոլային հիմքով ախտահանիչներով:

Երեխաների խնամքի և պաշտպանության թիվ 1 և թիվ 2 գիշերօթիկ հաստատություններում ստեղծված են համապատասխան պայմաններ՝ ձեռքերի կանոնավոր ախտահանման համար: Հաստատությունն ապահովված է ալկոհոլային հիմքով ձեռքերի ախտահանիչներով (ալկոգել), բժշկական դիմակներով ու ձեռնոցներով:

ՊՈԱԿ-ների շենքերն օրական մեկ անգամ ախտահանվում են քլորի հիմքով ախտահանիչ նյութերով, իսկ դռներն ու դրանց բռնակները՝ օրական երկու անգամ: Խնամվող երեխաները ջերմաչափվում են, զննվում է նրանց առողջական վիճակը: Մեկուսացման նպատակով ժամանակավոր դադարեցված են երեխաների հետ տեսակցությունները, երեխաների ելումուտը սահմանափակված է:

«Ստեփանակերտի պրոթեզաօրթոպեդիկ կենտրոն» ՊՈԱԿ-ում աշխատողների և այցելուների համար ալկոհոլային հիմքով ձեռքերի ախտահանիչները տեղադրվել են տարբեր վայրերում: Դիմակներով ապահովված են բոլոր աշխատողները, այցելուների հետ շփումը տեղի է ունենում բավարար հեռավորության վրա, շենքն ախտահանվում է օրական մեկ անգամ քլորի հիմքով ախտահանիչ նյութերով, իսկ դռներն ու դրանց բռնակները՝ օրական երկու անգամ:

«Ստեփանակերտի տուն­ինտերնատ» ՊՈԱԿ-ի շենքի մուտքի մոտ անձնակազմի համար տեղադրվել են ալկոհոլային հիմքով ձեռքերի ախտահանիչներ, այցելուների համար ժամանակավոր դադարեցվել են տեսակցությունները: Անձնակազմն ապահովված է բժշկական դիմակներով, ամենօրյա ռեժիմով խնամվող անձինք ջերմաչափվում են: Բոլոր սենյակներն ամենօրյա ռեժիմով օդափոխվում են, մաքրվում ժավելի լուծույթով և քլորաջրով:

Տնային պայմաններում միայնակ տարեցների և հաշմանդամների սոցիալական սպասարկման կենտրոնի կողմից սպասարկվում են հանրապետության 162 միայնակ տարեց և հաշմանդամ, որոնցից 112-ը՝ Ստեփանակերտ քաղաքում: Կենտրոնի աշխատակիցներն ապահովված են բժշկական դիմակներով և ալկոհոլային հիմքով ձեռքերի ախտահանիչներով:

440 միայնակ թոշակառուներ նախարարության կողմից կապահովվեն պարենամթերքով և հիգիենիկ պարագաներով՝ մեկ ամսվա հաշվարկով»,- նշված է հաղորդագրության մեջ։

Արցախում բան է փոխվել և ոչ դեպի լավ

01.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Ազգային ժողովում դարձյալ պարգևատրվել են.168.am

06.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով