Մեդիա փորձագետ Սամվել Մարտիրոսյանը ֆեյսբուքյան իր էջում կիսվել է մեկ այլ օգտատիրոջ գրառմամբ` կոչ անելով զգույշ լինել․ Գրառումը ներկայացնում ենք ստորև․ «WhatsApp-ից ֆեյք Ինստագրամի կողմից նամակներ են գալիս տարբեր մարդկանց, որտեղ նշվում է, որ ինչ-որ մեկը ցանկանում է մուտք գործել իրենց պրոֆիլ, և առաջարկում է գաղտնաբառը փոխել (reset անել), օգտատերը մուտք է գործում այդ լինքով որտեղ արդեն իսկ ընկնում է հաքերի թակարդը, ո՞նց է ընկնում, քայլ առ քայլ բացատրեմ․
Ուշադրություն դարձրեք լինքին՝ https://www.instagram.com/accounts/password/reset/confirm/ լինքը ինքը իրենով արդեն իսկ ասում է՝
1 – Դուք արդեն իսկ ավտոմատ մուտք եք գործում ինստագրամ (https://www.instagram.com/)
2 – Դուք արդեն իսկ ավտոմատ մուտք եք գործում պրոֆիլի անվտանգության բաժին (https://www.instagram.com/accounts/)
3 – Դուք արդեն իսկ ավտոմատ մուտք եք գործում գաղտնաբառի բաժին (https://www.instagram.com/accounts/password/)
4 – Դուք արդեն իսկ ավտոմատ մուտք եք գործում զրոյացնել բաժինը (https://www.instagram.com/accounts/password/reset/)
5 – Մուտք գործելով reset բաժինը դուք առանց այդ բաժնում որևէ գործողություն կատարելու մուտք եք գործում confirm բաժին (https://www.instagram.com/accounts/password/reset/confirm/) ինչը արդեն իսկ իրենից ենթադրում է, որ դուք արդեն իսկ փոխել եք ձեր գաղտնաբառը 4-րդ կետում։
Հիմա ուշադիր նայենք լինքի շարունակությանը 1z50vx9/5bv-էսքան մասը ստիպված եմ ջնջել/?s=password_reset_whatsapp այստեղ գրված է ալգորիթմ, որը կեղծում է ինստագրամյան էջը իսկ վերջում տեսնենք հրամանը՝ s=password_reset_whatsapp
Գրված է, որ իրենց ալգորիթմը վերջանում է երբ որ password-ը reset է լինում և ուղարկվում է նրանց whatsapp-ին։