Իմ դավանած արժեհամակարգում անթույլատրելի է ցանկացած դատավորի նկատմամբ անհամաչափ միջամտություն՝ պայմանավորված մասնագիտական գործունեությամբ։
Դատավոր Դանիբեկյանի նկատմամբ կատարվածը այդպիսի միջամտություն էր, ուստի ես այն միանշանակ անթույլատրելի եմ համարում։
Միևնույն ժամանակ,
1) իշխող քաղաքական ուժի ներկայացուցիչները «երեսատեղ չունեն» քննադատելու կատարվածը․ հենց նրանք են բացել Պանդորայի արկղը՝ դատարանները արգելափակելով, դատավորներ Ազարյանի ու Գրիգորյանի նկատմամբ տարբեր տեսակի հետապնդումներով, դատավորներին «վնգստացողներ» անվանելով։ Իմաստություն ունեցեք հնարավորինս մեղմել ձեր հասցրած վնասը։
2) գործադիրը պարտավոր էր ի սկզբանե անվտանգություն հատկացնել դատավոր Դանիբեկյանին։ Դուք ակնհայտորեն թերացել եք։
Ամեն պատահած արկղ չեն բացի։ Գուցե ջերմ ողջույն ստանաք Պանդորայից, իսկ փակել այլևս անհնար լինի։
Հին ասորական ասացվածք
Ռուբեն Մելիքյանի ֆեյսբուքյան էջից
