«Ես անձամբ կարծում եմ, որ մեր զինծառայողը աշխարհագրորեն մոլորվել է». Դավիթ Տոնոյան

Դեռևս իրականացվում է հետաքննություն, բայց ես անձամբ կարծում եմ, որ մեր զինծառայողը աշխարհագրորեն մոլորվել է։ Այս մասին այսօր  լրագրողների հետ զրույցում տեսակետ հայտնեց պաշտպանության նախարար Դավիթ Տոնոյանը` անդրադառնալով զինծառայող, 2000 թ. ծնված Արայիկ Հայկի Ղազարյանի մարտական դիրքը լքելուն:

Ինչ վերաբերում է ադրբեջանական լրատվամիջոցների ձևակերպումներին, թե դասալքության պատճառը զորամասում անմարդկային վերաբերմունքն է, նա ասաց, որ  հակառակորդի տեղեկատվական աշխատանքի «արդյունքն» է դա, և չի կարծում, որ անհրաժեշտ է տարածել այս տեղեկությունը:  «Ես ներքին համոզմունք ունեմ, որ ինքն ուղղակի մոլորվել է»,-ասաց նա:

Դավիթ Տոնոյանը նշեց, որ համապատասխան միջազգային կառույցներին դիմել են, որ աշխատանքներ տանեն նրան վերադարձնելու ուղղությամբ:  «Ես դեռևս չեմ կարող ասել, որ նա հոգեբանորեն էլ է մոլորվել, բայց աշխատանքի արդյունքում տեղեկություն կտանք: Ցավալի դեպք է բոլորիս համար, բայց կարծում եմ՝ նորմալ է անցնելու, նաև կոչ եմ անում Ադրբեջանի իմ կոլեգաներին, որ այդ տեղեկատվական աշխատանքը դադարեցնեն»,-ասաց նախարարը:

Այնուհետև Տոնոյանն անդրադառնալով Ապրիլյան պատերազմի մասնակից Հայկ Սեխլիյանի բուժմանը նշեց, որ եթե այն կարելի է Հայաստանում կազմակերպել, ապա պետք է կազմակերպվի Հայաստանում.

«Գոյություն ունի կարգ, Կառավարության որոշում, գործում են օրենքներ, ըստ որոնց՝ եթե Հայաստանի Հանրապետությունում հնարավոր չէ բուժում իրականացնել, ապա զինծառայողներին հնարավորությունը տրվում է բուժումն իրականացնել արտերկրում։ Եթե հանձնաժողովը, որը գլխավորում է Առողջապահության նախարարը, այդ որոշումը չի կայացնում, բնական է, որ պետք է բուժումն առանց սուբյեկտիվ մոտեցումների իրանականացվի Հայաստանում։ Կարող է բոլորն ասեն՝ ես ուզում եմ գնալ այստեղ կամ այնտեղ բուժում ստանալու, բայց այդպես չի կարելի, եթե այդ բուժումը կարելի է Հայաստանում կազմակերպել, պետք է կազմակերպեն Հայաստանում։ Եվ դրա պատասխանատվությունը կրում են համապատասխան կառույցները»,-նշեց նա։

 

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով