Իրանը հայտարարել է իր մի շարք օբյեկտներում լրտեսական ցանցի բացահայտման մասին. «Ժամանակ»

«Իրանը հայտարարել է իր մի շարք օբյեկտներում, այդ թվում՝ ատոմային օբյեկտներում լրտեսական ցանցի բացահայտման մասին, որի մասնակիցները գործել են օտար պետության համար: Թե հատկապես ինչ պետության օգտին գործող լրտեսական խմբերի մասին է խոսքը, իրանական լրատվամիջոցները չեն մանրամասնում: Իրանի այդ բացահայտման մասին հայտարարությունը խիստ հետաքրքիր է այն հանդիպման ֆոնին, որ օրերս տեղի ունեցավ Երուսաղեմում, որտեղ հանդիպեցին Ռուսաստանի ԱԽ քարտուղար Պատրուշևը, ԱՄՆ նախագահի ազգային անվտանգության խորհրդի քարտուղար Ջոն Բոլթոնն ու Իսրայելի վարչապետ Նեթանյահուն: Այդ հանդիպումը, իր աննախադեպությամբ հանդերձ, աչքի ընկավ նաև հայտարարություններով, որ կողմերը ընդհանուր հայտարար ունեն Սիրիայի հեռանկարի հարցում և քննարկում են դետալները:

Այն, որ այդ հանդիպումն ու ընդհանուր հայտարարը Սիրիայում Իրանի ներկայության դեմ է, խոշոր հաշվով, ակնառու դարձավ օրերս, երբ Իսրայելի օդուժը եռակողմ հանդիպումից հետո ռմբակոծեց Սիրիայի մի քանի քաղաք, այդ թվում՝ մայրաքաղաք Դամասկոսը: Բանն այն է, որ ռմբակոծված տարածքները նրանք են, որտեղ չկա ռուսական ներկայություն:

Միաժամանակ, ռմբակոծող օդուժն անցել է տարածքներով, որոնք վերահսկում են ռուսական ՀՕՊ համակարգերը՝ ռուս մասնագետներով, սակայն այդ համակարգերը չեն աշխատել: Այդ ամենը հուշում է, որ Իսրայելի օդուժը գործել է ռուսների հետ համաձայնեցված, ինչն էլ, թերևս, հենց Երուսաղեմում տեղի ունեցած աննախադեպ հանդիպման և հայտարարությունների արդյունք է: Թե ինչ խնդիրներ ունեն Իրանի հետ Իսրայելն ու ԱՄՆ-ն, բավականին հայտնի է:

Միևնույն ժամանակ, սակայն, ակնառու է, որ Իրանի հետ ոչ պակաս խնդրահարույց հարաբերության մեջ է Ռուսաստանը, ինչը ունեցել է տարբեր դրսևորումներ սիրիական ամբողջ արշավի ընթացքում: Ահա այդ համատեքստում էլ հատկանշական է Իրանի լրտեսական բացահայտումը, այդ թվում՝ ատոմային օբյեկտներում: Բանն այն է, որ Իրանի ատոմային օբյեկտներում մեծ է ռուսաստանցի մասնագետների ներգրավվածությունը:

Մասնավորապես, հայտնի է, օրինակ, որ Բուշերի ատոմակայանը կառուցվում էր համատեղ ծրագրով: Դժվար է պատկերացնել, որ այդ օբյեկտներ մուտք են ունեցել իսրայելական կամ արևմտյան հետքի, այսպես ասած, ռիսկ պարունակող մասնագետներ: Ըստ այդմ, պնդել, իհարկե, հնարավոր չէ, սակայն մեծ հավանականությամբ, բացահայտվածը ռուսական լրտեսության խմբեր են, կամ Իրանը պարզապես դրանով Ռուսաստանին է ազդակ հղում, քանի որ իսրայելական կամ ամերիկյան լրտեսության դեպքում Թեհրանը թերևս չէր վարանի մանրամասնել այդ մասին: Իսկ Ռուսաստանի դեպքում Իրանն, անշուշտ, մի շարք պատճառներով նախընտրում է չգնալ բաց կոնֆլիկտի, ինչից, սակայն, շահերի բախման հանգամանքը ամենևին չի նվազում, և դատելով իրադարձությունների տրամաբանությունից՝ նույնիսկ պարունակում է աճման ռիսկ: Հայաստանը պետք է պատրաստ լինի դրան, որովհետև առերևույթ թվում է, որ մեր խնդիրը ԱՄՆ-Իրան հարաբերության լարումն է, և դա, իհարկե, այդպես է, սակայն չպետք է «տարված» լինելով դրանով, բաց թողնենք Իրան-ՌԴ հարաբերության տիրույթում տեղի ունեցող ներքին լարման աճը»,-գրում է թերթը:

Նյութն ամբողջությամբ կարդացեք թերթի այսօրվա համարում:

 

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով