Եթե նույն մեքենաները բերեն 2020 թ․-ից հետո, սահմանին կվճարեն 3,6 մլն դրամ․ Իոաննիսյան

Հայաստանում 2020 թվականին նոր ավտոմեքենաների մաքսազերծումը կթանկանա 10 տոկոսով, բայց ՀՀ-ում չնչին թվով մարդիկ կարող են նոր ավտոմեքենա գնել, իսկ 12 տարվա հնության մոտ 2,2 լիտր աշխատանքային ծավալով շարժիչով և մոտ 1,5 մլն դրամ մաքսային արժեքով  մեքենաները կթանկանան 6 անգամից ավելի. «ԵԱՏՄ մարտահրավերները. մաքսային նոր դրույքաչափեր» խորագրով հանրային քննարկմանն ասաց «Իրազեկ քաղաքացիների միավորում» ՀԿ նախագահ Դանիել Իոաննիսյանը:

«Եթե նայենք, թե ինչ պատկեր է 2017-2018-ին ՀՀ ներմուծված շուրջ 100 000 մեքենաների մասով, ապա ներմուծված միջին ավտոմեքենայի դեպքում պատկերը հետևյալն է, 12 տարվա հնության մոտ 2,2 լիտր աշխատանքային ծավալով շարժիչով և մոտ 1,5 մլն դրամ  մաքսային արժեքով ավտոմեքենաներ են դրանք, որոնց համար սահմանին վճարվում է միջինը մաքսային արժեքի 42%-ը կամ մոտ 600 000 դրամ, որպես մաքսատուրք, բնօգտագործման հարկ և ԱԱՀ: Եթե ճիշտ նույն մեքենաները բերվեն 2020 թվականից հետո, ապա դրանց համար սահմանին կվճարվի 3,6 մլն դրամ, ներկայիս 600 000 դրամից փոխարեն, այսինքն՝ միջինը մեկ ավտոմեքենայի մաքսազերծումը կարող է արժենալ ավտոմեքենայի արժեքի կրկնակին, եռակին, քառակին»,-ասաց նա:

Ըստ Իոաննիսյանի՝ եթե նախկինում տարեկան միջինը 25,000-ից 30,000 ավտոմեքենա էր ներմուծվում, 2017–ը ներառյալ, 2018-ին ՀՀ է մտել 63,000 ավտոմեքենա և այդ տեմպը պահպանվում է նաև այս տարի: ««Բումը» պայմանավորված է նաև նրանով, որ շատերը հասկանում են, որ այն թանկանալու է և հիմա էժան ավտոմեքենա են առնում»,-ասաց նա և հավելեց, որ այս տուրքերից 40 մլրդ դրամ բյուջե է վճարվել, որը մասամբ պայմանավորված է այդ «բումով»:

Դանիել Իոաննիսյանը հստակեցրեց, որ 2020-ից 7 տարի և ավելի հնության ավտոմեքենա ներկրելիս քաղաքացիները վճարելու են ավտոմեքենայի շարժիչի աշխատանքային ծավալի ամեն խորանարդ սանտիմետրի համար 1,6-2,2 եվրոյի չափ գումար՝ դրան գումարած բնօգտագործման վճարն ու ԱԱՀ-ն: Ավելին, ըստ նրա, այս մաքսատուրքը մտնելու է ոչ թե ՀՀ-ի բյուջե, այլ՝ միության բյուջե ու դրանից Հայաստանն ստանալու է այդ գումարը ընդամենը 1,22%-ը:

«Իրազեկ քաղաքացիների միավորում» ՀԿ նախագահի խոսքով՝ ավտոբուսների մաքսազերծումը նույնպես թանկանում է, սա նշանակում է, որ թանկանալու է հանրային տրանսպորտը: «Այն «Գազել»–ներով չի լինի այլևս սպասարկել, իսկ «Բոգդան»-ների» և մյուս ավտոբուսների մաքսազերծումը 10 տոկոսով բարձրանալու է»,-ասաց նա:

Ըստ Դանիել Իոաննիսյանի՝ 4 անգամ թանկանում են մինչև 7 տարեկան ավտոմեքենաները, իսկ դրանից հինը՝ էլ ավելի շատ, ուստի՝ մարդիկ կարող են սկսել ներմուծել ավելի նոր ու ցածրորակ մեքենաներ, ոչ թե հին ու ավելի լավ:

24News

«Ո՞նց կարա վարչապետի աթոռին անկապ հայտնված թափթփուկը եթերով հայտարարի թե ՀՀ իշխանությունները տարիներով զբաղվել են նարկոտրաֆիկով,Աֆղանստանում ապօրինի զենքի վաճառքով».Միշա Գալուստյան

07.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Ազգային ժողովում դարձյալ պարգևատրվել են.168.am

06.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով