Նոր մանրամասներ Գյումրիում երեխայի մահվան դեպքից

Загрузка...

168.am-ին մանրամասներ են հայտնի դարձել Գյումրիում երեկ տեղի ունեցած երեխայի սարսափազդու մահվան դեպքից: Հիշեցնենք, երեկ՝ մարտի 29-ին, ժամը 16:30-ի սահմաններում Գյումրիում դժբախտ դեպք էր գրանցվել: Մայրն աշխատանքից տուն էր հասել և որդուն հայտնաբերել սպանված՝ պարանոցը գոտիով փաթաթված:

 

Երեխան սովորում էր Գյումրու թիվ 24 դպրոցի 5-րդ դասարանում: Մոր միակ զավակն է եղել, հարևանների խոսքով՝ հորը տարիներով չեն տեսել, ամուսնալուծվելուց հետո նոր ընտանիք է կազմել: Որդու հետ կապեր չուներ:

10-ամյա Դավիթ Գ.-ը մոր հետ ապրում էր տնակային պայմաններում, մայրը Գյումրու բժշկական կենտրոնի բուժքույր է: Հարևանները ցնցված են դեպքից, չեն հավատում ինքնասպանության վարկածին, ասում են՝ մայրն այնքան բարեկիրթ ու լավ աղջիկ է, որ ինչ-որ մեկի հետ վեճի, վրեժի թեմա լինել չէր կարող:

Դավիթի դպրոցի տնօրենը լացը կոկորդում հազիվ զսպելով՝ ասում է, որ չի հավատում՝ Դավիթն ինչպես կարող էր ինքն իրեն վնասել: Երեխային վերջին անգամ տեսել է անցած շաբաթ, ասում է՝ դպրոցական արձակուրդներ են, երեխան այս օրերին միայն շախմատի էր գնում: Ողբերգական դեպքի օրն էլ շախմատի առաջնության է մասնակցել, հաղթել է հասակակիցներին, զանգել և ուրախ պատմել է մորը ու եկել տուն:

«Նա այնքան գիտակից, օրինակելի երեխա էր, չեմ կարողանում հավատալ՝ ո՞նց կարող էր այդքան կամային հատկանիշներով աչքի ընկած երեխան իրեն վնասել, մանավանդ, որ գիտակից տարիքում էր: Դավիթն ինքնամփոփ չէր, հակառակը, չափազանց շփվող ու աշխույժ էր, շատ լավ էր սովորում, դպրոցի առաջադեմ երեխաներից մեկն էր»,- 168.am-ի հետ զրույցում ասում է դպրոցի տնօրեն Հակոբ Հակոբյանը:

Քիչ առաջ հայտնի են դարձել երեխայի դիահերձման տվյալները՝ նշվում է, որ երեխան ինքնասպան է եղել խաղի ժամանակ: Բազկաթոռի վրա նստել է, ինքն իր ետևում աթոռներ շարել, հետո հեռուստացույցով դիտած խաղի կանոնների համաձայն՝ ինքն իրեն կապել է գոտիով ու շրջվել աթոռների վրա: Խաղի ժամանակ Դավիթի պարանոցից կապված գոտին ձգվել է ու խեղդամահ արել երեխային, երեխայի մարմնի վրա բռնության հետքեր չեն եղել: Այս մասին մեզ հետ զրույցում ասաց նաև տնօրենը։ Այնուամենայնիվ, վարկածը դեռևս դիահերձումից հետո արված ենթադրություն է, հետաքննության ավարտին իրավապահները կհաստատեն կամ կժխտեն այն:

Նմանատիպ նորություններ

Տղաս գնա սահմանում ծառայի, որ իրենք դղյակներում ապ... Հունիսին  տղայիս բանակ պիտի տանեն, բայց չեմ թողնելու գնա, դեռ ոչ-ոք չգիտի, թե ես ինչերի եմ ընդունակ: Այս  մասին ArmDay.am-ի հետ զրույցում ասաց Նար...
Ես վստահ եմ՝ Ռոբերտ Քոչարյանը կրակելու հրահանգ չի ... «Էդ խնդիրները, ես գտնում եմ, որ գնում ա ճշտումներ Ադրբեջանի եւ Հայաստանի միջեւ՝ ինչ ձեւով ա լինելու բանակցության ձեւաչափը։ Ինչ մնում է Արցախի ներգ...
Անհասկանալի է այս հետքայլը․ Տեր Վահրամ քահանան՝ Մե... Տարակուսանքով տեղեկացանք առաջիկա Մեռելոցը աշխատանքային օր նկատելու որոշման մասին, Aysor.am-ի հարցմանն ի պատասխան ասել է Մայր Աթոռի տեղեկատվական հա...
Ռեֆորմիստների կուսակցությունը հռչակում է բարեփոխու... Ռեֆորմիստների կուսակցությունը հռչակում է բարեփոխումների ծրագիր և կոչ է անում քաղաքացինրին սատարել իրենց և սկսել պայքար այդ կետերը կյանքի կոչելու հ...
«Թավշյա» կոռուպցիայի «հեղափոխական» դեմքը.Անդրանիկ ... «Թավշյա» կոռուպցիայի «հեղափոխական» դեմքը ———————————— Հեղափոխականը և կոռուպցիոները շատ հաճախ հոմանիշներ են, այլ ոչ թե հականիշներ։ Քաղաքական պա...
Հայաստան են ներթափանցում արկտիկական ցուրտ օդային հ... Այսօր երեկոյան ժամերից հյուսիս-արևելքից Հայաստան են ներթափանցում արկտիական ցուրտ օդային հոսանքներ, ինչի արդյունքում ապրիլի 20-ին Հայ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...