«Ինչո՞ւ վարչապետը վախեցավ գա, հո չէ՞ր գալու ցուցմունք տալու, դեռ շուտ է, ինքը ցուցմունք տալու է՝ մեղադրյալի կարգավիճակում». Դավիթ Շահնազարյան

ՀՀԿ համամասնական ցուցակի 3-րդ համարով առաջադրված թեկնածու Դավիթ Շահնազարյանը ԱԱԾ-ից հրավեր ստանալու հետ կապված այսօր հրատապ ասուլիս էր հրավիրել՝ հայտարարություն անելու:

Նա նախ ներկայացրեց մանրամասներ, թե ինչպես են ԱԱԾ-ի երկու աշխատակիցներ հանդիպել իր հետ «Ցենտրալ» սրճարանում ու հրավիրել ԱԱԾ: Դավիթ Շահնազարյանը համաձայնել է ներկայանալ ԱԱԾ այսօր ժամը 13:00-ին. «Իսկապես պատրաստվում էի ներկայանալ, բայց ինձ համար զարմանալի էր, որ ԱԱԾ-ն ինքը հրապարակեց այս ամենը 1,5-2 ժամ առաջ, դրանից հետո անիմաստ էր գնալ այնտեղ:

Ես այդ ամենը համարում եմ քաղաքական հետապնդում, որի հրահանգը նրանց տվել է արձակուրդում գտնվող ՀՀ վարչապետի ժամանակավոր պաշտոնակատարը»: Շահնազարյանն ասաց, որ եթե այլ իրավապահ կառույց հրավիրեր իրեն, կամ կպատռեր թուղթը, կամ չէր գնա. «Նման դեպք եղել է վերջերս, ՀՔԾ-ից էին ուղարկել: Ես թուղթը չէի վերցրել, ոստիկաններին էլ ամոթանք էի տվել»: ԱԱԾ-ն Շահնազարյանին հրավիրել էր՝ նոյեմբերի 27-ի ասուլիսում իր այն հայտարարության հետ կապված, որ ներկայիս վարչախումբը, Փաշինյանի ղեկավարությամբ, իրականացնում է քաղաքականություն, որը ձեւակերպել է իշխանություն՝ Արցախի փոխարեն: Շահնազարյանը հարցրեց՝ «եթե 27-ին եմ ես ասել, ինչո՞ւ եք երեկ ինձ կանչել, որովհետեւ Փաշինյանը երեկ դա հրահանգավորեց»:

Դավիթ Շահնազարյանը հեգնեց, որ ինքը Փաշինյանին հրավիրել էր բանավեճի, իսկ Փաշինյանն ըստ էության ասում է՝ կգնաս, Արցախի հարցը կքննարկես ԱԱԾ-ում. «Իրենք իրավական գնահատական են տվել դրան, ես իրավական գնահատական առայժմ չեմ տալիս, ես տվել եմ քաղաքական գնահատական ու պատասխանատու եմ իմ ամեն բառի համար: Ինչո՞ւ երեկ վարչապետը վախեցավ գա, հո չէ՞ր գալու ցուցմունք տալու, դեռ շուտ է, ինքը ցուցմունք տալու է՝ մեղադրյալի կարգավիճակում, սա սպառնալիք չէ, խոստում է:

Գալու է այդ օրը, որ նա ցուցմունք է տալու ու այդ օրը իրավապահ մարմինները կտան իրավական գնահատական»: Դավիթ Շահնազարյանն ասաց, որ այսօր պատրաստվում էր գնալ ԱԱԾ, որովհետեւ ինքը ղեկավարել է այդ կառույցը, 23 տարի է անցել ու այս տարիներին որեւէ բացասական գնահատական այդ կառույցին չի տվել. «Այսօր ՀՀ-ում իրավական կառույցներ գոյություն չունեն, դրանք պատժիչ կառույցներ են, որոնք պետության հետ ոչ մի կապ չունեն եւ պաշտպանում են միայն ու միայն Փաշինյանի շահերը:

Սա քաղաքական հետապնդում է, փոր է վախեցնել այն մարդկանց, դրանց թիվը շատ մեծ է, որոնք պատրաստվում են քվեարկել ՀՀԿ-ի օգտին: Այն վիճակում, ինչ վիճակում հիմա գտնվում է վարչապետը եւ նրա կողքի կանգնածները, ինքներդ կարող եք գնահատել՝ զրահաբաճկոններ գոյություն չունեն, մնացել է իրենց մերկ մարմինը: Դա ապացուցում է իրենց ողջ կեցվածքը ու այն, ինչ պատրաստվում են անել Արցախի հարցում, մենք դա թույլ չենք տա»:

Հռիփսիմե ՋԵԲԵՋՅԱՆ

aravot.am

Նմանատիպ նորություններ

«Շատ զարմանալի բաներ են տեղի ունենում հոսանքի վճար... ԱԺ ԲՀԿ խմբակցության պատգամավոր Արմեն Աբովյանը ֆեյսբուքյան իր էջում գրել է. «Ժողովուրդ ջան, իմ անունից ևս հաստատում եմ, որ շատ զարմանալի բաներ են տ...
Ադրբեջանցին փորձում է չեչենների հետ կոնֆլիկտը ջար... ՍԱ ԷՆ ՀԱՅ ՏՂԵՆԱ, ՈՐ ՉԵՉԵՆՆԵՐԻ ԿՈՆՖԼԻԿՏԻ ՀԵՏ ԿԱՊՎԱԾ ԱՄԲՈՂՋ ՄԵՂՔԸ ՈՒԶՈՒՄ ԵՆ ՋԱՐԴԵՆ ԳԼԽԻՆ։ ԷԴ ՖԱՈՒԴ ԱԲԱՍՈՎԻ ՀԱՐՑԵՐԸ ԼՈՒԾԵՔ, ԱՍՈՒՄ ԵՆ ՕՐԵՆՔՈՎ ԴԱՏԱ ՀԱՍՆՈՒՄ...
«Դավիթ Սանասարյանի հայտարարությունը բացարձակ սուտ ... «Հետք» կայքում երեկ ««Պետական մակարդակով բիզնես են խլում». տնտեսվարողը մեղադրում է Դավիթ Սանասարյանին» վերտառությամբ հոդվածի հրապարակումից հետո Պե...
Ալիևը շարունակաբար սպառնում է Արցախին և Հայաստանին... Փաշինյանը կամ մոլորության մեջ է,կամ ինքն է ժողովրդին մոլորեցնում։ Երկու դեպքում էլ նա պետք է հեռանա։ 1988թի փետրվարի 20-ը ոսկե տառերով է գրված...
Կազմվել է պաշտոն զբաղեցնող սեռական փոքրամասնությու... «Հեղափոխությունից հետո ակտիվացել են, այսպես կոչված, «լիբերալ» գաղափարներ կրող կերպարները: Հենց նրանք են, որ փորձում են այսօր հայ ավանդական հասարակ...
Շնորհավորո՛ւմ եմ Արցախի վերածննդի օրվա առթիվ. Վահա... Սիրելի՛ հայրենակիցներ, Այսօր պատմական օր է: 31 տարի առաջ այս օրերին Ստեփանակերտի հանրահավաքները բացեցին նոր պատմական ժամանակաշրջան բոլորիս համ...
Այսօր Արցախի վերածննդի օրն է, ղարաբաղյան շարժման հ... Սիրելի հայրենակիցներ, Այսօր Արցախի վերածննդի օրն է, ղարաբաղյան շարժման հերթական տարեդարձը: Շնորհավորում եմ ձեզ: Ուղիղ մեկ տարի առաջ այս օրը Ստ...
«Նիկոլի երբևէ ունեցած ամենավատ ելույթն էր Դսեղի ել... Նիկոլի երբեւէ ունեցած ամենավատ ելույթն էր Դսեղի այսօրվա ելույթը։ Նախ, Թումանյանը բոլորովին աղքատ մարդ չի եղել, սերել է բավականին հարուստ գերդաս...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով