Daily Archives: 24.10.2018

Ադրբեջանի ԱԳ նախարար Է.Մամեդյարովը «ՌԻԱ Նովոստի»ն տված հարցազրույցում արտահայտել է պաշտոնական Բաքվի դիրքորոշումը արցախյան խնդրի  լուծման առնչությամբ և այն որևէ փոփոխության չի ենթարկվել. այս մասին ՀԱՅ ՁԱՅՆ լրատվականի հետ զրույցում ասացԱրցախի նախագահի մամլո խոսնակ ԴԱՎԻԹ ԲԱԲԱՅԱՆԸ: «Այն, ինչ նրանք ասում են՝ ոչ այլ ինչ է, քան առաջարկ Արցախին, սեփական կամքով գնալու իր իսկ պետականության կործանման ճանապարհով,-նշեց պարոն Բաբայանը: Ի դեպ, Մամեդյարովը խոսել է արցախյան հարցի փուլային տարբերակով կարգավորման մասին, ասելով՝ « նպատակ ունենք սկսել փուլային կարգավորման գործընթացը”: Հիշեցնենք, որ Հայաստանում խնդրի լուծման փուլային տարբերակի կողմնակից եղել է ու կա ՀԱԿ նախագահ Լևոն Տեր-Պետրոսյանը: Այս առնչությամբ Բաբայանն ասաց հետևյալը. «Այն, ինչ ասում է Մամեդյարովը՝ ապացուցում է,որ պաշտոնական Բաքուն  պատրաստ չէ խնդրի կարգավորման, որ պաշտոնական Բաքուն չի վերանայել իր  նպատակները, իր տեսլականը և նրանց բուն նպատակը մնում է նույնը՝ Հայոց արցախյան պետականության կործանումը, որից հետո անպայման կանցնեն Հայաստանի Հանրապետության տարածքին՝ սա միանշանակ է: 90-ականների կեսերից մինչև 1998-99 թթ. եղել են խնդրի կարգավորման տարբերակներ,որոնցից մեկը, այսպես կոչված՝ փուլային տարբերակն է, մյուսը՝ փաթեթային: Ադրբեջանըփուլային տարբերակն է  առաջ քաշում, քանի որ նրանց համար փուլային տարբերակը Արցախի պետականության ապամոնտաժումն ու քայքայումն է: Սրանով ասում են՝  հետ տվեք հողերը, սահմանների առումով՝ վերադարձեք 1988 թվականի դրությանը, ադրբեջանցիները պետք է վերադառնան նախկին ԼՂԻՄ-ի տարածք, Արցախը չպետք է ունենա զինված ուժեր՝ հետո նոր միայն Ադրբեջանը կմտածի՝ ի՞նչ կարգավիճակ  պետք էստանա Արցախը: Մենք էլ ասում ենք դա մեզ համար անընդունելի է,  անկախ պետությունը,որն ի վիճակի է իր անվտանգությունն ապահովվել, որը  կայացած երկիր է, ինչպե՞ս կարող է նման ճակատագիր ընտրել: Այսինքն, ստացվում է կա՛մ այդ պետությունը թույլ է,կա՛մխենթացած վիճակում է և չի  հասկանում թե ի՞նչ է անում»,- նկատեց պարոն Բաբայանը՝հավելելով, որ այդպիսի վիճակ չկա Արցախում: Արցախի նախագահի խոսնակը միաժամանակ շեշտեց՝ Արցախում նախընտրում են ԼՂ հարցի փաթեթային կարգավորման տարբերակը, բայց կարելի է նաև փուլային որոշ քայլեր կատարել: Ի՞նչ է դա իրենից ենթադրում. «Փաթեթային կարգավորումն իրենից ենթադրում է, որ բոլոր հարցերի լուծումը պետք է հստակեցվի մեկ փաթեթի մեջ, այն ընդգրկում է բազմաթիվ հարցեր, օրինակ՝  Արցախի ևԱդրբեջանի կողմից մեկը մյուսի ճանաչում, ռազմաքաղաքական հարցերի լուծում,սահմանների հստակեցում, ընդ որում, սահմանների մեջ, բնականաբար,  մտնում էՀյուսիսային Արցախի հարցը: Քաղաքական, պատմական, բարոյական  առումով ճիշտ է, որդա այդպես լինի, որովհետև Հյուսիսային Արցախը պոկեցին ԼՂԻՄ-ից ու հայաթափեցին դաԱդրբեջանի հայատյաց քաղաքականության հետևանքն է”: Բաբայանը նկատեց, թե այսօր պաշտոնական Ստեփանակերտը իրավասու է նաև բարձրացնելՆախիջևանի հարցը. “Քանի որ Նախիջևանի Ինքնավար Հանրապետությունը և նախկին ԼՂԻՄ-ը գտնվում էին մեկ կազմավորման մեջ՝ Ադրբեջանի Խորհրդային Հանրապետության: Այդ  փաթեթում հստակ գրված է խնդրի լուծմանն ուղղված բոլոր քայլերը, ինչը պետք է այսօր իրականացնել,որից հետո կարելի է ինչ-որ կերպ փուլային տարբերակով ևս քայլեր անել”: Ըստ Բաբայանի.” Օրինակ՝ թող առաջին փուլը լինի քաղաքական հարցի կարգավորումը, այսինքն՝ Ադրբեջանը ճանաչում է Արցախի անկախությունը, մենք ճանաչում ենք Ադրբեջանի անկախությունը, Արցախը դիվանագիտական առաքելություն… Կարդալ ավելին »