Կարծում եմ՝ Վերաքննիչ դատարանը բավարարելու է Ռոբերտ Քոչարյանի պաշտպանների բողոքը. Արամ Օրբելյան

ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանը դրական ակնկալիքներ ունի Վերաքննիչ դատարանի օգոստոսի 13-ին կայացնելիք որոշումից: Լրագրողների հետ զրույցում Օրբելյանը նշեց, որ քննությունը հարթ է ընթացել` և՛ պաշտպանական կողմը, և՛ վարույթ իրականացնող մարմինը կարողացել են ներկայացնել իրենց դիրքորոշումը:

«Ռոբերտ Քոչարյանը այսօր ևս ելույթ ունեցավ: Բավականին տպավորիչ ելույթ էր: Ռեպլիկներին ի պատասխան ներկայացրեց իր դիրքորոշումը»,- ասաց Օրբելյանը:

Պաշտպանը կարծում է, որ Վերաքննիչ դատարանը բավարարելու է իրենց բողոքը և վերացնելու է Ռոբերտ Քոչարյանի նկատմամբ կիրառված կալանավորումը, հակառակ դեպքում, իրենք պատրաստ են բողոքարկելու ավելի բարձր ատյանում, ինչպես նաև դիտարկվում է Մարդու իրավունքների եվրոպական դատարան դիմելու հնարավորությունը:

«Քննիչը պետք է ապացուցի, որ կան հիմքեր, որոնք հավաստում են, որ պարոն Քոչարյանը չի ցուցաբերի պատշաճ վարքագիծ: Մեր գնահատմամբ՝ այդ փաստաթղթերից որևէ մեկը չի ապացուցում դա, և ենթադրել, որ նա եղել է նախագահ և ունի ազդեցություն գործի քննության վրա, բավարար չի , որպեսզի անձի ոչ պատշաճ վարքագիծը ենթադրվի»,- նշեց Օրբելյանը:

Փաստաբանը գտնում է, որ պետք է փաստական հանգամանքներ լինեն, և անթույլատրելի է համարում վերացական ենթադրությունների հիման վրա ենթադրություններ անելը:

Հարցին` թե արդյոք հանրության համար նոր հայտարարություններ արել է երկրորդ նախագահը գործի քննության ընթացում, Օրբելյանը պատասխանեց. «Սենսացիոն հայտարարություններ որպես այդպիսին չեն եղել: Ուղղակի, մեղադրանքի մասով տրված են պարզաբանումներ , որոնք լույս են սփռում որոշակի գործընթացների վրա»,- ասաց Օրբելյանը՝ հավելելով, որ Ռոբերտ Քոչարյանը շարունակում է պնդել իր անմեղությունը:

Պաշտպանները պլանավորում են նաև որոշակի փուլում դիմել վարույթ իրականացնող մարմնին՝ որոշ փաստաթղթեր, այդ թվում՝ նաև երկրորդ նախագահի ելույթի հատվածներ կամ ամբողջական ելույթները հրապարակելու հնարավորություն տալու համար:

Նմանատիպ նորություններ

Ի վերջո, պետք չէ պետական կառույցների պաշտոնական ան... Հարգելի ՀՀ քաղաքացիներ, Երեկ «Հայկական Առողջապահական Ազգային Խորհուրդ» ՔՀԿ կոալիցիան դիմել է ՀՀ Ազգային Ժողովի նախագահին, Առողջապահության և սոց...
Չի կարելի աղբի մեջ կանգնել և հանդիսավոր միջոցառում... Համազգային թատրոնի նոր շենքի հիմնարկեքի արարողությունը հետաձգվեց, քանի որ վարչապետ Նիկոլ Փաշինյանը, տեսնելով տարածքը՝ աղբի մեջ կորած, սկսեց աղբ հա...
Արարատ Միրզոյանը ծառ է տնկում... Ազգային ժողովի նախագահը, պատգամավորներն ու աշխատակազմը շաբաթօրյակն անցկացնում է վաղ առավոտից Վարդան Մամիկոնյանի հուշարձանից Լունապարկ ընկած տարածք...
Մի քանի սպաներ պաշտոնանկ են արվել. Արծրուն Հովհանն... Պաշտպանության նախարարի մամուլի քարտուղար Արծրուն Հովհաննիսյանն իր ֆեյսբուքի էջում գրառում է արել՝ անդրադառնալով մամուլի հրապարակմանը, համաձայն որի՝  Մ...
Ինչով է տարբերվում Լենինի շաբաթօրյակը Նիկոլի շաբաթ... Ինչպես հայտնի է համապետական շաբաթօրյակի անցկացման հեղնակը մեծ հեղափոխական Վլադիմիր Լենինն է,ով 1920թ անձամբ մասնացեց համասովետական շաբաթօրյակին Կո...
Զարմանալի զուգադիպությամբ ակտիվացել են հոկտեմբերի ... Զարմանալի զուգադիպությամբ ակտիվացել են հոկտեմբերի 27-հայտնի ցուցակի ներկայացուցիչները՝ Շիրխանյանը, որն իրեն վարչապետ էր կարգել, Ջհանգիրյանը, որին ...
Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրու... «Քահանայի մեղքը» (Պրեմիերա) Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրության դատին է հանձնել իր նոր «Քահանայի մեղքը» ֆիլմի անոնսը, որն իր...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով