Ֆինանսների փոխնախարարի ֆինանսները. «Փաստ»

Загрузка...

«Փաստ» օրաթերթը գրում է. «Մայիսի 29-ին ֆինանսների փոխնախարար նշանակված Արման Պողոսյանը մեծ թվերի հասնող փոխառություններ է ունեցել, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2017 թ. տարեկան հայտարարագրից: Պաշտոն ստանձնելու հայտարարագիր կայքում դեռեւս չկա: Մինչ այս նշանակումը Պողոսյանը զբաղեցրել է ՊԵԿ Վարչարարության մեթոդաբանության, ընթացակարգերի եւ սպասարկման վարչության պետի պաշտոնը:

Հայտարարագրի համաձայն՝ նախորդ տարվա սկզբին ունեցել է 84 հազար 594 ԱՄՆ դոլար փոխառություններ: Տարվա ընթացքում հանձնել է եւս 23 հազար 321 դոլար ու 19 միլիոն 633 հազար դրամ փոխառություններ: Արդեն տարեվերջին իրեն են վերադարձրել դոլարով արտահայտված ամբողջ փոխառությունները եւ իրեն «պարտք» են մնացել միայն 19 միլիոն 633 հազար դրամ:

Դրամական միջոցները 2017 թ. վերջին կազմել են 2 միլիոն դրամ, 67 հազար ԱՄՆ դոլար ու 2 հազար եվրո, իսկ տարեկան եկամուտները՝ 15 միլիոն 593 հազար դրամ, որից 11 միլիոն 939 հազար դրամը աշխատավարձն է, իսկ 3 միլիոն 654 հազար դրամը՝ տրված փոխառությունների դիմաց ստացված տոկոս»:

Ամբողջությամբ կարող եք կարդալ «Փաստ» օրաթերթի այսօրվա համարում:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...