Իրավիճակն իսկապես լարված է, և իշխանությունը պետք է առաջարկի քաղաքական լուծում. Նաիրա Զոհրաբյան

Загрузка...

Armlur.am-ը Հանրապետությունում տեղի ունեցող զանգվածային ցույցերի շուրջ զրուցել է ԱԺ «Ծառուկյան» խմբակցության պատգամավոր Նաիրա Զոհրաբյանի հետ:

-Տիկի՛ն Զոհրաբյան, ՀՅԴ-ն հանդես է եկել առաջարկով՝ կոչ անելով Արմեն Սարգսյանի հովանու ներքո սկսել երկխոսություն երկու կողմերի միջև: Ինչպե՞ս եք դրան վերաբերվում:

-Երբևէ դեմ չեկ եղել երկխոսությանը և դա կարևորել եմ, սակայն, անկեղծ ասած, չեմ հասկանում, թե որն է լինելու երկխոսության օրակարգը: Երբ Արմեն Սարգսյանը հանդես է գալիս երկխոսության կոչով, ես կարծում եմ, որ նա պետք է հստակեցնի երկխոսության օրակարգը: Իմ վստահ համոզմամբ` այս պահին քայլ պետք է անի իշխանությունը: Ինչպես ասում են՝ ջինը շշից այլևս բաց է թողնված, եւ այդ կոսմետիկ սվաղներով, կոսմետիկ փոփոխություններով, ինչ-որ իմիտացիոն հայտարարություններով, երկխոսության հրավիրելով՝ նպատակ ունենալով ժամանակ ձգել, ոչ մի հարց չի լուծվելու: Մենք ընդամենը վերջերս առաջարկում էինք Ընտրական օրենսգրքում փոփոխություն կատարել և հանել ռեյտինգային ընտրակարգը, իշխանությունն այսօր անգամ դրան պատրաստ չէ: Այդ դեպքում ինչի՞ շուրջ պետք է երկխոսել. իրավիճակն իսկապես լարված է, եւ իշխանությունը պետք է առաջարկի քաղաքական լուծում: Այլևս քաղաքական լուծման խնդիր է դրված: Ապրիորի ասել` եկեք երկխոսենք, ես դա համարում եմ պարապ ժամանակի զրույց:

-Փաշինյանը հայտարարել է թավշյա հեղափոխության մասին: Տեսակետ կա, թե հեղափոխական ճանապարհով հարց չի լուծվում: Դուք ի՞նչ տեսակետ ունեք:

-Այս շարժումը որակական առումով, այո՛, տարբերվում է  բազմաթիվ եղած շարժումներից. դա միանշանակ է: Այստեղ լոկոմոտիվը և առանցքը երիտասարդությունն է: Շատ կարևոր է, թե ինչպես կավարտվի այս շարժումը, որևէ քաղաքական վերլուծաբան չի կարող կանխատեսել: Շատ դժվար է այս պահին կանխատեսել հանգուցալուծումը: Միայն մեկ բան՝ պետք է բոլորս ամեն ինչ անենք, որ հանգուցալուծումը լինի խաղաղ և արդար:

-Նաև որոշ քաղաքական կանխատեսումներ են արվում, որ հնարավոր է Գլխավոր դատախազը մտնի Ազգային ժողով՝ Նիկոլ Փաշինյանին պատգամավորական անձեռնմխելիությունից զրկելու պահանջով: Դուք նման սցենար իրատեսակա՞ն եք համարում, թե՞ ոչ:

-Ամենաանհեթեթագույն սցենարն է, և դա կլինի այս իշխանության հերթական կոպտագույն սխալը:

Armlur.am

«Չեմ ուզում լսել Ձեր բարոյախրատական ճառերը, անիմաստ մամլո ասուլիսները, առավել ևս բանաստեղծությունները».Հասմիկ Պապյան

12.02.2020

Թուրք քարոզիչները հանգիստ ֆռֆռում են Երևանում, սադրիչ տեսանյութեր ձայնագրում

13.02.2020

Մարդիկ, ովքեր սեփական մորն են փուռը տվել, այսօր երկրի ճակատագիր են որոշում.Հոգեբան. i TV

10.02.2020

Ո՞վ է այս մարդը,ո՞ր երկրի ղեկավարն է,և ինչու՞ է բացակայում ՀՀ պետական դրոշը

13.02.2020

Արցախում երկու զինվոր է մահացել

12.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...