Բենզինի գինն աճել է 1,6%-ով, իսկ դիզելային վառելիքինը՝ 1,8%-ով. «Փաստ»

«Փաստ» օրաթերթը գրում է. «2017 թ. դեկտեմբերին նոյեմբերի համեմատ ոչ պարենային ապրանքների շուկայում գրանցվել է 0,1% գնաճ: Այս մասին «Փաստը» տեղեկացավ Ազգային վիճակագրական ծառայությունից:

2017 թ. դեկտեմբերին նոյեմբերի համեմատ բենզինի գինն աճել է 1,6%-ով, իսկ դիզելային վառելիքինը՝ 1,8%-ով: 2017 թ. դեկտեմբերին 2016 թ. դեկտեմբերի համեմատ հանրապետությունում գրանցվել է բենզինի եւ դիզելային վառելիքի՝ համապատասխանաբար 18,2% եւ 18,9% գնաճ:

Հանրապետության դիտարկված 10 քաղաքներում 2017 թ. դեկտեմբերին նոյեմբերի համեմատ ոչ պարենային ապրանքների գներն աճել են 0,1-1,2%-ով, իսկ մայրաքաղաքում գրանցվել է 0,2% գնանկում:

Ըստ ԱՎԾ–ի՝ թանկացումներ են գրանցվել նաեւ ծառայությունների ոլորտում:

Այսպես, մատուցված ծառայությունների ոլորտում 2017 թ. դեկտեմբերին նոյեմբերի համեմատ հանրապետությունում արձանագրվել է սակագների 0,1% հավելաճ:

Համաձայն վիճակագրության ՝ բնակարանային ծառայությունների սակագները նշված ժամանակահատվածում աճել են 0,2%-ով: Հանգստի եւ մշակույթի ծառայությունները նույնպես թանկացել են: Գնաճն այստեղ 1,2% է կազմել, իսկ հյուրանոցային ծառայություններինը՝ 1,3%:

Դրան զուգընթաց, հանրապետությունում գրանցվել է տրանսպորտի ծառայությունների սակագների 0,5% նվազում (պայմանավորված օդային տրանսպորտով միջազգային չվերթների ծառայությունների սակագների 1% նվազումով), իսկ առողջապահության, կապի եւ կրթության ծառայությունների սակագների մակարդակը նախորդ ամսվա համեմատ մնացել է անփոփոխ:

Հանրապետության դիտարկված 9 քաղաքներում 2017 թ. դեկտեմբերին նոյեմբերի համեմատ արձանագրվել է ծառայությունների սակագների 0,1-0,2% հավելաճ, իսկ 2-ում պահպանվել է գների նախորդ ամսվա մակարդակը: Մայրաքաղաքում ծառայությունների սակագներն աճել են 0,1%-ով»:

Ամբողջությամբ կարող եք կարդալ թերթի այսօրվա համարում:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով