«Գալուստ Սահակյանը հանրությանը ներկայացրեց այն ճշմարտությունը, որին տեղյակ ենք, որի մասին չէին խոսում». Վահագն Խաչատրյան

«Անսպասելի ոչինչ չի եղել»,- այսօր լրագրողների հետ հանդիպման ժամանակ խոսելով ԱԺ նախկին նախագահ Գալուստ Սահակյանի այն հայտարարության մասին, թե ՀՀԿ-ում բոլորը կողմնորոշված են և 2018-ին ՀՀ վարչապետի պաշտոնում տեսնում են Սերժ Սարգսյանին՝ նման տեսակետ հայտնեց ՀԱԿ անդամ, տնտեսագետ Վահագն Խաչատրյանը:

Նրա խոսքով՝ Գ. Սահակյանն անկանխատեսելի որևէ բան չի հայտարարել. «Բոլորս էլ շատ լավ գիտենք, որ այդպես էլ պետք է լիներ: Այն, որ Կարեն Կարապետյանը քաղաքական թիմ չունի, առաջին անգամ է հրապարակավ ներկայացվում: Հիմա Գալուստ Սահակյանը հանրությանը ներկայացրեց այն ճշմարտությունը, որին տեղյակ ենք, որի մասին չէին խոսում, բայց բոլորն էլ հասկանում էին, որ նոր կառավարման համակարգի դեպքում ԱԺ-ում եղած քաղաքական մեծամասնությունն է հարցերը լուծելու և պատասխանատուն լինելու:

Այդ պատճառով այդտեղ կա կուսակցության առաջնորդի խնդիր, որը Սերժ Սարգսյանն է: Շատ բնական է, որ այդպես պետք է լիներ: ՀՀ-ի հարցերը լուծվում են Մելիք-Ադամյան փողոցում, դա Խորհրդային Միության կառուցվածքն է»:

Հարցին՝ ստացվում է՝ վարչապետ Կարեն Կարապետյանին, կոպիտ ասած, «քցե՞ց» ՀՀԿ-ն, Վ. Խաչատրյանն այսպես պատասխանեց. «Չէ: Կույր պետք է լինել՝ չտեսնելու այն իրավիճակը, որ կար 2016 թվականի օգոստոսին, երբ եկավ Կարեն Կարապետյանը: Իր դերը հիմնականում եղել է նախընտրական քարոզչության մեջ նորություն մտցնելը, մարդկանց ուշադրությունը շեղելը: Այդ ժամանակ մարդկանց որոշակի շրջանակների մոտ ինչ-որ հույս կար, որ նոր մարդ է եկել, նոր մոտեցումներ կունենա, և այլն, բայց շատ տեսանելի էր, որ դա արվում էր 2017 թվականին այդ ընտրակեղծարարությունը ծածկելու համար, որը հաջողությամբ իրականացվեց»:

ԱԺ «Ելք» խմբակցությունը հայտարարել է, որ իրենց խմբակցությունը նախագահի թեկնածու է առաջադրելու «Հանրապետություն» կուսակցության անդամ Արտակ Զեյնալյանին:

168.am-ի հարցին՝ եթե ընդդիմությունը վարչապետի միասնական թեկնածու ներկայացնի, դա որևէ նշանակություն կարո՞ղ է ունենալ, թե՞ կկրի ձևական բնույթ, Վ. Խաչատրյանն այսպես պատասխանեց. «Իմ ասածից ենթադրություններ արեք ու այսօրվա Ազգային ժողովի ներկայացվածությունը նայեք, երկրի ապագա նախագահի ընտրության համակարգը կամ գործող կարգը նայեք: Դրանք որևէ հնարավորություն չեն տալիս: Ես շատ ցավում եմ դրա համար, շատ կցանկանայի, որ այդ հնարավորությունն ունենայինք: Ցանկացած զարգացում, առաջին հերթին, նշանակում է՝ այլընտրանք, եթե մենք չունենք այլընտրանք, ուրեմն՝ զարգացում չի լինի, մենք հիմա այլընտրանք չունենք»:

Մանրամասները՝ 168.am-ի տեսանյութում:

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ալեն Սիմոնյանին վռնդել են Մաշտոցի պողոտայի «Ուրարտու» խանութից.Նարեկ Մալյան

08.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով