Որպես թիրախ սկսում են հանդիսանալ ոչ միայն կայքերը, ներքին ցանցերը, այլև առանձին հայ օգտատերերը. Իվետա Տոնոյանը` Եվրանեսթում

Եվրանեսթ խորհրդարանական վեհաժողովում այսօր քննարկվում էր կիբերանվտանգությանը վերաբերող հիմնախնդիրները: Թեմայի վերաբերյալ ելույթ է ունեցել «Ծառուկյան» խմբակցության պատգամավոր Իվետա Տոնոյանը.

«Նախևառաջ ցանկանում եմ արձանագրել, որ անչափ կարևորում եմ այս քննարկումը, կարծում եմ` թեման արդիական է ոչ միայն Հայաստանում, այլ նաև ամբողջ աշխարհում: Կիբերանվտանգությունը բազմաթիվ երկրներում այլևս ազգային անվտանգության հարց է դարձել: Տեղեկատվական տեխնոլոգիաների բուռն զարգացմանը զուգընթաց, բնականաբար կատարելագործվում են նաև կիբեռհարձակումները և փոփոխվում են դրանց իրականացման եղանակներն ու միջոցները՝ լայնորեն թափանցելով նաև պետության կենսագործունեության գրեթե բոլոր բնագավառներ՝ առաջացնելով ռիսկեր և սպառնալիքներ: Վառ օրինակ կարող եմ բերել. 2016 թ-ի ապրիլի 2-ին, երբ Արցախում սկսվեցին պատերազմական գործողություններ՝ մեկնարկեցին նաև ակտիվ կիբեռհարձակումներ Ադրբեջանի կողմից:

Գաղտնիք չէ, որ ադրբեջանական հաքերային համայնքի հիմնական թիրախներից են Հայաստանը և հայերը՝ անկախ բնակության վայրից։ Հաքերային ամենամեծ ու ակտիվ խմբավորումն անգամ, որն արդեն 5 տարի գործում է, կոչվում է Anti-Armenia Team, որն էլ կազմակերպված հակահայկական հաքերային հարձակումների հիմնական պատասխանատուն է։

Ադրբեջանական հաքերներն աշխատել և աշխատում են հայկական կայքերը «կոտրելու» ուղղությամբ, ինչպես նաև պարբերաբար իրականացնում են DDoS հարձակումներ։ Վերջին տարվա ընթացքում նկատվում է ադրբեջանական հաքերների հարձակումների որակի փոփոխություն։ Դեռ ապրիլյան պատերազմական գործողությունների ժամանակ նկատվեց, որ արդեն որպես թիրախ սկսում են հանդիսանալ ոչ միայն կայքերը, ներքին ցանցերը, այլև առանձին հայ օգտատերերը, իսկ սա մարդու իրավունքների ոտնահարման, անձնական կյանքի իրավունքի կոպտագույն խախտում է: Այս փաստի վրա ուզում եմ հրավիրել բոլորի ուշադրությունը:

Բարձրացված հարցի շրջանակներում գերակա խնդիր է դառնում և կարևորվում կիբեռհանցագործությունների դեմ միասնական պայքարը: Հաշվի առնելով հարցի լրջությունը՝ կարծում եմ՝ անհրաժեշտ է պարբերաբար քննարկումներ կազմակերպել այս հարցի վերաբերյալ, ինչպես նաև տեղեկատվության ավելացում և փոխանակում խնդրով մտահոգ երկրների խորհրդարանների միջև։

Ուստի, շահագրգիռ բոլոր պետությունները պետք է ակտիվորեն ներգրավվեն կիբեռհանցագործության դեմ պայքարի միջոցառումներին, ինչպես նաև աստիճանաբար բարձրացնեն նմանատիպ միջոցառումների արդյունավետությունը: Սա համընդհանուր չարիք է և դրա դեմ մենք պետք է միասնաբար պայքարենք»։

 

Armlur.am

Նմանատիպ նորություններ

Վարչապետը ներկա է գտնվել Հայաստանի դիվանագիտության... Վարչապետ Նիկոլ Փաշինյանն Արտաքին գործերի նախարարությունում ներկա է գտնվել www.divanaget.amկայքէջի շնորհանդեսին: Կայքում ներկայացվում են հայկական դիվան...
Նախագահին ներկայացվել է Հայաստանի տեխնոլոգիական հա... Նախագահ Սերժ Սարգսյանին այսօր ներկայացվել է Հայաստանի տեխնոլոգիական համալսարանի հիմնման հայեցակարգը: Կրթության ոլորտի պատասխանատուների և շահագրգիռ այլ...
Նախագահը ներկա է գտնվել «ԴիջիԹեք էքսպո-2017» տեխնո... Նախագահ Սերժ Սարգսյանն այսօր ներկա է գտնվել «Երևանի մաթեմատիկական մեքենաների գիտահետազոտական ինստիտուտ» ընկերության «Երևան Էքսպո» ցուցահանդեսային համա...
Հայկական մշակման լարով անօդաչուն փորձարկվում է Սին... Հայկական Instigate Robotics ընկերությունը ներկայացրել է օդում անսահմանափակ ժամանակով թռիչք իրականացնելու համար նախատեսված անօդաչու թռչող սարք, որն աշխ...
Վարչապետը մասնակցել է Հայաստանում առաջին արևային վ... Վարչապետ Կարեն Կարապետյանն այսօր ներկա է գտնվել «Պրոֆպանել» ընկերության՝ Հայաստանում առաջին արևային վահանակներ արտադրող գործարանի պաշտոնական բացման ար...
«Հայկ մեկ» ընկերությունը կշարունակի զենք արտադրել... Այսօր՝ հունիսի 1-ին, Հայաստանի կառավարության ընդունած որոշումներից մեկով երկարացվել է «Հայկ Մեկ» ընկերության՝ զենք արտադրելու թույլտվության արտոնագիրը...
Սոցիալական ցանցերը երեխաներին ավելի դժբախտ են դարձ... Բրիտանական Շեֆիլդի համալսարանի գիտնականներն ապացուցել են, որ երեխաները որքան շատ ժամանակ են անցկացնում սոցիալական ցանցերում, այնքան ավելի դժբախտ են իր...
Կարեն Կարապետյանը ծանոթացել է հայկական PicsArt-ի ծ... Վարչապետ Կարեն Կարապետյանն այսօր այցելել է հայկական PicsArt ընկերություն: PicsArt-ը լուսանկարների խմբագրման համար նախատեսված հավելված է և սոցիալական ց...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով