Տները էժանանում են. «ՀԺ»

«Հայկական Ժամանակ» թերթը գրում է. «Երևանում բազմաբնակարան շենքերի բնակարանների միջին գինը հասել է անցած 10 տարիների նվազագույն մակարդակին: Ըստ ՀՀ պետական կադաստրի տվյալների՝ ներկայումս Երևանում բնակարանների 1 քմ-ի միջին գինը մոտ է 500 դոլարին:

Անցած 10 տարիների ընթացքում բնակարանների գինը նվազել է ավելի քան 43 տոկոսով:

Այս տարվա առաջին կի­սամյակում Երևանում ան­շարժ գույքի գինը հասել է իր տասնամյա նվազագույ­նին: Բնակարանները այսքան էժան չեն եղել նույ­նիսկ 2008-2009 թթ. ճգնա­ժամից հետո, երբ բնակչու­թյան գնողունակությունը կտրուկ նվազեց:

Հաշվարկների պարզության հա­մար վերցրել ենք Երևանի Շենգավիթ համայնքում բազմաբնակա­րան շենքերի բնակարանների մեկ քառակուսի մետրի գինը, որը ան­ցած 10 տարիներին արձանագրել է ՀՀ պետական կադաստրի կոմի­տեն: Շենգավիթ համայնքում բնակարանների գինը Երևանի բոլոր համայնքներում արձա­նագրված գների միջինին շատ մոտ է: Մեկ քմ-ի ամենա­բարձր միջին գինն անցած տարի­ների ընթացքում արձանագրվել է 2008 թվականի առաջին կիսամ­յակում՝ մեկ քմ-ի գինը կազմել է 892 դոլար: Այս տարվա առաջին կիսամյակում մեկ քմ-ի գինը կազ­մել է ընդամենը 510 դոլար: Փաս­տորեն 2008 թվականի համեմատ բնակարանները Հայաստանում էժանացել են մոտ 43 տոկոսով:

Բայց պետք է նկատել, որ որոշա­կի ժամանակահատվածներում բնակարանների գները եղել են, պատկերավոր ասած՝ «կեղծ»: Օրի­նակ, 2009 թվականին, երբ համաշխարհային ճգնաժամը հարվածեց ՀՀ տնտեսությանը և Հայաստա­նում պաշտոնապես գրանցվեց մոտ 15 տոկոս տնտեսական ան­կում, բնակարանները փոքր-ինչ էժանացան 892 դոլարից հասնելով 712 դոլարի: Եթե 2008 թվականին կադաստ­րում գրանցվել էր 8642 գործարք, ապա 2009 թվականին գործարքների թիվը գահավիժել է ավելի քան 33 տոկոսով՝ հասնելով 5752-ի:

Այ­սինքն՝ բնակարանների գինը իներ­ցիայի հետևանքով քիչ է էժանացել, ինչն էլ բերել է պահանջարկի կտ­րուկ նվազմանը: Դա բերել է նրան, որ 2010 թվականին բնակարաննե­րն ավելի են էժանացել՝ մեկ քմ-ի գի­նը դարձել է 664 դոլար, ու դա հան­գեցրել է պահանջարկի որոշակի վերականգնման գործարքների թիվն աճել է մինչև 7733-ի: 2011-ին բնակարաններն ավելի են էժանացել. 627 դոլար, ու դրա շնորհիվ բնակարաններն ավելի ակտիվ են գնել ու վաճառել՝ գործարքների թիվը հասել է 8480-ի:

Մի խոսքով՝ ակնհայտ է դառնում, որ  բնակարանների առուվաճառքների աշխուժությունը կախված է գնից, ինչը լրիվ բնական է»:

 

Ամբողջությամբ կարող եք կարդալ «Հայկական Ժամանակ» թերթ

Նմանատիպ նորություններ

Դժգոհ են օրիորդի կառավարումից. Էջմիածնի քաղաքապետի... «Իրատես» թերթը գրում է. «Էջմիածնի քաղաքապետ Դիանա Գասպարյանը, հաղթելով 12 թեկնածուների, այսօր կրկին պետք է կռիվ տա եւս մի խումբ էջմիածինցիների հետ...
Ցոփ ու շվայտ. ՊԵԿ-ում ամեն ամիս են պարգևավճարներ ս... «Ժամանակ» թերթը գրում է. «Յուրաքանչյուր ամիս մինչև ամսվա 7-ը ՊԵԿ բոլոր աշխատակիցները ստացել են պարգևավճարներ նվազագույնը 1 դրույքի չափով։ Արդեն ամ...
Ռոբերտ Քոչարյանը մտադիր է առաջադրվել Արցախի նախագա... «Ժամանակ» թերթը գրում է. «Ռոբերտ Քոչարյանը կարող է փորձ անել առաջադրվել հաջորդ տարվա սկզբին կայանալիք Արցախի Հանրապետության նախագահական ընտրությու...
Սերժ Սարգսյանի փեսա Միքայել Մինասյանը կմտնի ակտիվ ... «Հրապարակ» օրաթերթը գրում է. «Իշխանություն-«Լուսավոր Հայաստան» անակնկալ առճակատումը, ըստ որոշ լուրերի, «ստրախովկայի» համար արվեց, որ տպավորությ...
Աննա Հակոբյանը, իր գրասենյակը տեղափոխել է կառավարո... «Ժամանակ» թերթը գրում է. «Վարչապետ Նիկոլ Փաշինյանի կինը՝ Աննա Հակոբյանը, իր գրասենյակը տեղափոխել է կառավարության շենք: Քանի որ Արարատ Միրզոյանի ԱԺ...
Արարատ Միրզոյանի վարորդ ընկերը նշանակվել է ԱԺ աշխա... «Հրապարակ» թերթը գրում է. «Ազգային ժողովի նախագահ Արարատ Միրզոյանը վերջապես իր վարորդ ընկերոջն էլ աշխատանքի տեղավորեց խորհրդարանում․ երեկ ԱԺ աշխատ...
Նոր իշխանությունները բավական շոյվել են Սամվել Ալեք... «Իրավունք» թերթը գրում է. «Գործարար, ԱԺ ՀՀԿ խմբակցության նախկին պատգամավոր Սամվել Ալեքսանյանն արդեն տեւական ժամանակ է` իրեն պատկանող սուպերմարկետն...
Ամենաբարձր պաշտոնյան՝ սթրեսի մեջ. «Հրապարակ»... Երբ դու խոսում ես, պետք է հաշվի առնես, որ յուրաքանչյուրը «լսում» է այն, ինչը հաճելի է կամ հակառակը՝ տհաճ իր ականջին։ Մեկը Նիկոլ Փաշինյանի երկօր...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով