Ինչո՞ւ է հայրենիքը նեղ պահերին մերը դառնում

Լեւոն Բաղրամյանը Երեւանի պետական տնտեսագիտական համալսարանի առաջին կուրսի ուսանող էր, երբ զորակոչվեց բանակ: Հրետանավոր է եղել, ծառայել է Ջաբրայիլում: Մեկ տարի էլ չէր անցել ծառայությունից, երբ սկսվեց ապրիլյան պատերազմը:

Ամսի 1-ին դիրքերից նոր-նոր իջած են եղել, երբ կրկին բարձրանալու հրաման են ստացել: Մայրը՝ Աննա Գրիգորյանը, առանց հուզվելու չի կարողանում հիշել այն օրերը, երբ ահուսարսափը սրտներին՝ լուրերի էին սպասում: «Ամեն զոհի հետ ես էլ էի մեռնում:

Համացանցից դուրս չէի գալիս: Հենց զոհի մասին լուր էր լինում, առաջինն անուն-ազգանունն էի փնտրում..»։ Հրետանավոր Լեւոնը պատվով կատարել է իր առջեւ դրված մարտական առաջադրանքներն ու 2017թ. հունվարին շնորհակալագրերով վերադարձել տուն:

Որոշել է շարունակել կիսատ թողած ուսումը եւ երբ իմացել է, որ պատերազմական գործողություններին մասնակցելու դեպքում ուսման վարձը զեղչվում է, շտապել է դիմում ներկայացնել Էջմիածնի զինկոմիսարիատին ու բուհի ղեկավարությանը:

«Զինկոմիսարիատից թղթերն ուղարկել են Ջաբրայիլ, որտեղից էլ պատասխանել են, թե, իբր, քառօրյայի ժամանակ Լեւոնենց հերթափոխն իջած է եղել դիրքերից, բայց չեն ասում, որ կռիվն սկսելուց մեկ ժամ անց էլ նորից բարձրացրել են:

Չեմ հասկանում, թե ի՞նչ կապ ունի՝ երբ է դիրքեր բարձրացել՝ կրակոցներն սկսելո՞ւ պահին, թե՞ մեկ ժամ անց: Սա ի՞նչ պատճառաբանություն է»,- ասում է Լեւոնի մայրը: Տիկին Աննայի փոխանցմամբ՝ որդու հրամանատարը նույնիսկ իրենց տուն է եկել եւ վստահեցրել, որ Լեւոնի նկատմամբ ոչ միայն ուսման զեղչեր կկիրառվեն, այլեւ՝ առողջապահական: «Իրեն լրիվ հասնում է»,- ասել է: «Խոսքով բոլորն էլ հաստատում են, բայց գործով փուչիկ են:

Եթե հնարավորություններս ներեին՝ 575 հազար դրամ ուսման վարձն անտրտունջ կտայի, էս պետության հույսին չէի մնա: Էնքան աղքատ բյուջե ունեն, որ վախենում են կռվածների ուսման վարձը զիջեն՝ լրիվ սնանկանան: Իսկ երբ մեր անփորձ երեխաներին էին կրակի բերանը գցում, չէի՞ն ասում, որ նրանց ընտանիքներն էլ անդառնալի կորուստներ կարող են ունենալ:

Ինչի իրենց երեխաների արյունն ավելի՞ կարմիր է, որ այդ օրերին թանկ-թանկ պահեցին, թե՞ նրանց մայր է բերել, իսկ մեր տղաներին գտել են… Եթե այս ամենը եվրոպական մի երկրում լիներ, մեր երեխաներին կմեծարեին, կհերոսացնեին: Իսկ սրանք նույնիսկ մի քանի կոպեկ զիջելն են շատ համարում»: Լեւոնը եւս երկու եղբայր ունի:

Ավագ եղբայրն էլ է ծառայել, իսկ կրտսերը դեռ դպրոցական է: Պետության վերաբերմունքից խաբված ու վիրավորված՝ տիկին Աննան ասում է, որ ամեն բան անելու է փոքր տղային բանակից ազատելու համար: «Թույլ չեմ տա, որ 3-րդ որդուս էլ օգտագործեն… Ես հասկանում եմ, որ ծառայությունն անձերի համար չէ, հայրենիքի համար է, բայց չեմ հասկանում, թե այդ հայրենիքն ինչու է հենց նեղ պահերին մերը դառնում…

Էս պատերազմից մի բան էլ հասկացա. մեր իշխանությունները հայրենիքը պահելու մասին չէին մտածում, մտածում էին իրենց ունեցածը չկորցնելու մասին… Հազար ափսոս, որ այդքան զոհեր տվեցինք»:

 

Նյութի աղբյուրը ` hraparak.am

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով