Դավիթաշենում 21 բարդիներ հատած մարզադպրոցի տնօրենն ընդունեց առաջադրված մեղադրանքը

Աջափնյակ եւ Դավթաշեն վարչական շրջանների ընդհանուր իրավասության դատարանն այսօր հեռացավ խորհրդակցական սենյակ ապօրինի ծառահատումներ կատարած «Դելֆին» լողի մանկապատանեկան մարզադպրոցի տնօրենի գործով վճիռ կայացնելու:

Մարզադպրոցի տնօրեն Ալեքսան Սամսոնյանն ընդունեց իր մեղքը ու միացավ արագացված կարգով դատաքննություն անցկացնելու վերաբերյալ պաշտպանների միջնորդությանը: Նա խնդրեց դատարանին մեղմ պատիժ կիրառել: Պաշտպանական կողմն էլ, որպես մեղմացուցիչ հանգամանք, դատարանին ներկայացրեց այն փաստը, որ Սամսոնյանն ունի չորս անչափահաս երեխա եւ իր հոգածության տակ գտնվող երկրորդ կարգի հաշմանդամ մայր:

Հիշեցնենք, որ Ալեքսան Սամսոնյանին մեղադրանք է առաջադրվել, որ նա, չունենալով ծառահատման թույլտվություն, բենզասղոցով ապօրինի հատել է անտառային ֆոնդի մեջ չմտնող 21 հատ բարդի տեսակի կենսունակ ծառեր, որի հետևանքով Երևան համայնքին պատճառել է առանձնապես խոշոր չափի` 1.920.000 ՀՀ դրամի գույքային վնաս:

Դատարանը Սամսոնյանի գործով վճիռը կհրապարակի վաղը, իսկ վճռի հրապարակման ժամի վերաբերյալ դատարանը պաշտպանական կողմին լրացուցիչ կտեղեկացնի: Հիշեցնենք, որ ավելի վաղ Սամսոնյանի պաշտպանական կողմը պնդում էր, որ Սամսոնյանը բնապահպան է, ու ծառերը ոչ թե հատել է, այլ՝ էտել:

Aravot.am

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

08.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

«Ճաշի մեջ ընկած մազը»․ ֆրանսիայի հոդվածը՝ Արսեն Թորոսյանին

08.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով