Երեւանի քաղաքապետի խորհրդական Գոռ Վարդանյանը իր դիրքերը ամրապնդելու, քաղաքապետարանից դուրս չմնալու համար շարունակում է ծանոթներ խառնել, դիմել անգամ հեղինակությունների:
Սեպտեմբերի 20-ին Գոռ Վարդանյանը «Մուսալեռ » ռեստորանում մասանակցել է Արթուր Աստրյանի՝ Դոն Պիպոյի կազմակերպած խնջույքին, որին եղել են հայտնի հյուրեր Իտալիայից: Խնջույքին մասնակցել էր նաև Արամ Վարդանյանը ՝ Վստրեչի Ապերը:
Գոռ Վարդանյանը խնջույքի ժամանակ շփվել է միայն այս միայն Արթուր Աստարյանի և Արամ Վարդանյանի հետ, որից հետո լքել է խնջույքը: Հիշեցնենք, որ Գոռ Վարդանյանը ըստ մամուլի տարբեր հրապարակումների դիմում է իր բոլոր հովանավորներին, որպեսզի կարողանա անցնցում իրակնացնել իր ծրագերը՝ մենաշնորհելով սպորտի հետ առնչվող հարցերը մայրաքաղաքում:
Հիշեցնենք նաև, որ ըստ մամուլի տեղեկությունների՝ Սպորտի եւ երիտասարդության նախարարության մաս կազմող մարտարվեստի 26 ֆեդերացիաների ղեկավարներ հանդես են եկել Գոռ Վարդանյանի վերջին շրջանի կամայականությունների դեմ, բողոքողների թիվը աճելու միտում ունի:
Ըստ ֆեդերացիաների ղեկավարների՝ քաղաքապետի խորհրդականի գործունեությունը ոչ թե սպորտային խնդիրներին լուծում գտնելն է, այլ քայքայումը: Գոռ Վարդանյանը մարտարվեստի գործող ֆեդերացիաները միավորելու փոխարեն տրոհում է դրանք եւ այդ բոլորը անում է քաղաքապետի անունից:
