«Իսլամական պետությունը» հարձակվել է Իրաքում ԱՄՆ ռազմաբազայի վրա

Սեպտեմբերի 17-ին «Իսլամական պետություն» ահաբեկչական խմբավորման մահապարտ ահաբեկիչները հարձակվել են Միացյալ Նահանգների գլխավորած միջազգային կոալիցիայի՝ Իրաքում տեղակայված ռազմաբազաների մեկի վրա:  Այս մասին հայտարարել է կոալիցիայի խոսնակ Ռայան Դիլոնը, փոխանցում է New York Times պարբերականի կայքը:

Կոալիցիայի խոսնակը նաև հայտնել է, որ հարձակման հետևանքով Իրաքի զինուժը և կոալիցիայի ուժերը վնաս չեն կրել, բոլոր մահապարտ ահաբեկիչները սպանվել են: Հարձակումը եղել է Իրաքի հյուսիսային Հավիջա քաղաքի մոտակայքում: Այդ քաղաքը Իրաքում «Իսլամական պետության» վերահսկած վերջին տարածքներից մեկն է:

Հիշեցնենք, որ սեպտեմբերի 14-ին ԻՊ զինյալները Իրաքի հարավում երկու ահաբեկչական հարձակում են իրականացրել, ինչի հետևանքով զոհվել է ավելի քան 60 մարդ, մոտ 90 մարդ էլ վիրավորվել է:

Վերջին մի քանի ամիսներին Իրաքի կառավարական բանակին հաջողվել է ԻՊ զինյալներից ազատագրել ռազմավարական կարևոր նշանակություն ունեցող Մոսուլ և Թալ-Աֆար քաղաքները, մի շարք այլ բնակավայրեր: Չնայած կրած պարտություններին՝ ԻՊ-ն շարունակում է ահաբեկչական հարձակումները քաղաքացիականների և զինվորականների վրա:

Սրան զուգահեռ «Իսլամական պետությունը» կորցրել է նաև Սիրիայում իր վերահսկած տարածքների մեծ մասը: Ներկայում արաբա-քրդական համատեղ ուժերը գործողություն են իրականացնում ԻՊ-ի դեմ՝ նրանց «մայրաքաղաք» Ռաքքայի ազատագրման համար:

 

Razm.info

Նիկոլ Փաշինյանի հրաժարականի խոսքը

28.05.2020

Կապանում ճակատ-ճակատի բախվել են Lexus-ն ու Нива-ն. կա վիրավոր

30.05.2020

«Պատրաստվում ենք այս hինգշաբթի կոտրել ամենատարածված միֆերը Covid-19-ի մասին».Արմեն Մուրադյան

01.06.2020

«Տավուշ տեքստիլ»-ում մոտ 80 մարդ վարակված է կորոնավիրուսով, ձեռնոցի արտադրամասը չի գործում. գործադիր տնօրեն. ArmDaily.am

28.05.2020

«Իդիոտը».Էդիկ Անդրեասյան

29.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով