Փետրվարի 21-ին, ժամը 23:27-ին Ճգնաժամային կառավարման ազգային կենտրոն ահազանգ է ստացվել, որ Երևանի Խորենացու փողոցից Սարի Թաղ տանող ճանհապարին տեղի է ունեցել ՃՏՊ՝ բախվել են երեք ավտոմեքենա. հնարավոր է լինեն արգելափակված քաղաքացիներ:
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «Mitsubishi» (վարորդ՝ Վ. Ղ., ծնված 1964 թ.) և «Mercedes-Benz» (վարորդ՝ Ա. Տ., ծնված 2001 թ.) մակնիշների ավտոմեքենաները. արգելափակված քաղաքացիներ չկան։
Մինչ փրկարարների կանչի վայր հասնելը՝ «Mercedes-Benz» մակնիշի ավտոմեքենայի վարորդը տեղափոխվել է բժշկական կենտրոն:
Փրկարարները հոսանքազրկել են ավտոմեքենաները, «Mitsubishi» մակնիշի ավտոմեքենայի վարորդին և ուղևոր Լ. Հ.-ին մոտեցրել շտապօգնության մեքենային, վերջիններս հոսպիտալացվել են բժշկական կենտրոն:
