![](https://4news.am/wp-content/uploads/2023/12/408258272_311125905216852_216947890456491571_n.jpg)
Դեկտեմբերի 4-ին, ժամը 21։16-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բերքառատ գյուղում այրվում է խոտի դեզ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է գյուղի 7-րդ փողոցի տներից մեկի բակում:
Հրդեհը մեկուսացվել է ժամը 22։18-ին, մարվել դեկտեմբերի 5-ին, ժամը 00։04-ին։ Այրվել է մոտ 350 հակ անասնակեր։