Ընդդիմությունը պետք է պայթեցնի այս թեզը, սա ոչ միայն խաբկանք է, այլև, ուղղակի Հայաստանի Հանրապետության ոչնչացման ծրագիր.Գևորգյան

Ռազմական, հասարակական գործիչ, Արցախյան պատերազմի ազատամարտիկ, հայտնի հետախույզ Գևորգ Գևորգյանը գրում է.

Ծավալվող իրադարձություններն ու հայտարարությունները ցույց են տալիս, որ Հայաստանի թրքակենտրոն իշխանության ղեկավարը, իր իշխանության և անձնական ապահովության համար, խոստացել է ալիևին Արցախն ամբողջովին հանձնել ադրբեջանին։ Այս գործարքը փաստաթղթային ձևակերպում կստանա, եթե ժողովուրդը դարձյալ մանիպուլյացվի` «Ղարաբաղը ադրբեջանի կազմում թող լինի, որ Հայաստանի գոյությանը ոչինչ չսպառնա» դավադիր թեզով։

Ընդդիմությունը պետք է պայթեցնի այս թեզը, սա ոչ միայն խաբկանք է, այլև, ուղղակի Հայաստանի Հանրապետության ոչնչացման ծրագիր։ Սրանով թշնամու այս ծառան պլանավորում է և բավարարել թուրք տերերին, և հարմար պահի իշխանությունը իր նախընտրած մեկ այլ թրքակենտրոնի հանձնելով փախնել Հայաստանից, իհարկե որոշ կեննտրոններից արդեն անվտանգության երաշխիքներ ստացածի կարգավիճակով։