Դեպի Հատիս լեռան գագաթը այցին կմասնակցի ՄԱԿ-ի ԶՀԿ գլխավոր քարտուղարը.«Հրապարակ»

 

«Հրապարակ» թերթը գրում է. «Այսօր Գագիկ Ծառուկյանի գլխավորությամբ հանդիսավոր այց տեղի կունենա դեպի Հատիս լեռան գագաթը, որտեղ նախատեսվում է Ծառուկյանի նախաձեռնած Հիսուս Քրիստոսի արձանի տեղադրումը: Շրջայցի ժամանակ նախատեսվում է տարածքի ուսումնասիրություն, նախապատրաստական աշխատանքների վերաբերյալ քննարկում: Մեր տեղեկություններով, միջոցառմանը կմասնակցի նաեւ ՄԱԿ-ի զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլին, որի հետ նախօրեին Մադրիդում հանդիպել էր ԱԳ նախարար Արարատ Միրզոյանը:

Հետևեք մեզ Տելեգրամում՝ t.me/lurer4news

Զբոսաշրջության համաշխարհային կազմակերպությունը ՄԱԿ-ի այն հեղինակավոր կազմակերպություններից է, որը 150 երկրների զբոսաշրջության ոլորտի աշխատանքներն է կազմակերպում եւ 500 փոխկապակցված անդամներ ունի: Այցին կմասնակցեն նաեւ լրատվամիջոցների ներկայացուցիչներ:

Հիշեցնենք, որ արձանն ամբողջությամբ 77 մետր բարձրություն է ունենալու եւ տեղադրվելու է ամենաբարձրադիր վայրում: Արդեն իսկ ճանապարհ է բացվում դեպի նշված տեղանքը, եւ շինարարական աշխատանքներն արդեն բավականին առաջ են գնացել: Ճանապարհի կառուցումը եւ արձանի տեղադրումը, ըստ նախնական հաշվարկների, տեւելու են շուրջ 3 տարի»:

Առավել մանրամասն՝ թերթի այսօրվա համարում

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

16 − 13 =