Վնասներ քամու հետևանքով (թարմացված)

 

Հունիսի 23-ին, ժամը 19։44-ից 20:30-ը Երևանում գրանցվել է քամու ուժգնացում (մինչև 17 մ/վ արագությամբ, ուղղությունը՝ հյուսիս-արևմտյան) և հորդառատ անձրև:

Հետևեք մեզ Տելեգրամում՝ t.me/lurer4news

Ճգնաժամային կառավարման ազգային կենտրոն ահազանգեր են ստացվել, որ քամու հետևանքով Երևանի Աջափնյակ, Էրեբունի, Մալաթիա-Սեբաստիա, Նոր-Նորք, Շենգավիթ և Կենտրոն վարչական շրջաններում վնասվել են շինությունների տանիքներ, կոտրվել ծառեր, պոկվել էլեկտրական լարեր և ջրալցվել նկուղներ:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից մարտական հաշվարկներ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Փրկարարներն իրականացրել են տանիքների վնասված կառուցատարրերի ամրացման, ապամոնտաժման, տարածքների սահմանազատման, ծառերի մասնատման և ջրահեռացման աշխատանքներ. զոհեր և տուժածներ չկան:

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

five × one =