Ֆրանսիայի հրապարակի վրանային քաղաքը պայքարի կարեւոր հանգրվան էր, բայց ժողովրդական շարժման վերջին կանգառը չէր Հայաստանի եւ Արցախի ապագան երաշխավորելու համար․Աշոտյան

Ձեւերը փոխվում են, օրակարգը՝ ոչ։

Միջոցները փոխվում են, նպատակը՝ ոչ։

Ոմանք փոխվում են, մենք՝ ոչ։ Նման գրառում է արել ՀՀԿ փոխնախագահ Արմեն Աշոտյանը ֆեյսբուքի իր էջում՝ կից հրապարակելով իր և ՀՀԿ խոսնակ Էդուարդ Շարմազանովի լուսանկարը։

«Համարձակություն է պետք է հանուն վերջնական հաջողության «կոմֆորտ զոնայից» դուրս գալու համար։

Կյանքում գալիս է անգամ հայրական տունը թողնելու եւ առաջ գնալու ժամանակը։

Ֆրանսիայի հրապարակի վրանային քաղաքը պայքարի կարեւոր հանգրվան էր, բայց ժողովրդական շարժման վերջին կանգառը չէր Հայաստանի եւ Արցախի ապագան երաշխավորելու համար։

Պայքարը շարունակվում է»,-գրել է նա։