Արդեն քանի օր է ոմանք, ըստ սովորության, ԶԼՄ-ներին բարեխիղճ մոլորության մեջ գցելով՝ հպարտորեն դատարկաբանում են, թե իբրև ՀՀ գլխավոր դատախազը պարգևատրվել է ՌԴ նախագահ Վ.Պուտինի կողմից։ Այս մասին ֆեյսբուքում գրել է փաստաբան Րաֆֆի Ասլանյանը:
Նա, մասնավորապես գրել է.
«Եթե ուշադիր ուսումնասիրեք ստորև բերվածը, ապա կհասկանաք, որ ՀՀ գլխավոր դատախազը չի պարգևատրվել ՌԴ նախագահի ուղղակի հրամանագրով, հետևաբար՝ նրա կողմից։ ՀՀ գլխավոր դատախազին հոբելյանական մեդալով պարգևատրել է ՌԴ գլխավոր դատախազը՝ նախագահի անունից, իսկ ՌԴ նախագահի 2021 թվականի ապրիլի 20-ի հրամանագրով ընդամենը հաստատվել է մեդալի նկարագրությունը, տեսքը և շնորհման կարգը։ Ընդ որում, այսպիսի մեդալով ՌԴ գլխավոր դատախազն այս պահի դրությամբ արդեն պարգևատրել է թվով 1851 անձանց։ Իմիջիայլոց, իսկապես ՌԴ նախագահի կողմից, հենց նրա հրամանագրով՝ Պատվո շքանշանով ժամանակին պարգևատրվել է ՀՀ նախկին գլխավոր դատախազ Աղվան Հովսեփյանը, ով ներկայումս կալանքի տակ է»։