Հոկտեմբերի 12-ին Մոսկվայում տեղի կունենան Վլադիմիր Պուտինի և ՀՀ վարչապետ Նիկոլ Փաշինյանի բանակցությունները, հայտնում է Կրեմլի մամուլի ծառայությունը: Նախատեսվում է քննարկել 2020-ի նոյեմբերի 9-ին և 2021-ի հունվարի 11-ին Լեռնային Ղարաբաղի հարցով Ռուսաստանի, Հայաստանի և Ադրբեջանի ղեկավարների հայտարարությունների իրականացման ընթացքը, ինչպես նաև տարածաշրջանում կայունության ամրապնդման և տնտեսական կապերի հաստատման ուղղությամբ հետագա քայլերը: Բացի այդ, կքննարկվեն երկկողմ հարաբերությունների զարգացման և եվրասիական տարածքում ինտեգրացիոն միավորումներում փոխգործակցությանն առնչվող արդիական հարցեր:
Հետևեք մեզ Տելեգրամում՝ t.me/lurer4news
