«Բրյուսելում հունիսի 24-25-ը կայացել է ԵՄ 27 անդամ երկրների ղեկավարների գագաթնաժողովը, որտեղ, ի թիվս այլ հարցերի, քննարկել են Թուրքիայի հետ հարաբերությունները եւ միգրացիոն ճգնաժամի դեմ պայքարը։ ԵՄ պետությունների եւ կառավարությունների ղեկավարները հանձնարարել են Եվրոպական հանձնաժողովին ֆինանսական օգնության նոր առաջարկ ներկայացնել Թուրքիայում եւ տարածաշրջանի այլ երկրներում ապաստան գտած սիրիացի փախստականների համար:
Միգրացիայի խնդիրը հիմնական պատճառներից մեկն է, թե ինչու է ԵՄ-ն «ներում» Անկարային, ինչպես օրինակ՝ պատժամիջոցներ չկիրառելով Արեւելյան Միջերկական ծովում Թուրքիայի սադրանքների համար, կամ պատրաստ է Կիպրոսի խնդրի կարգավորումը տեսնել կիպրական կողմերի քաղաքական հավասարության հիման վրա երկու համայնքներից եւ երկու տարածաշրջաններից կազմված ֆեդերացիայի մոդելի շրջանակներում: Այս համատեքստում ստացվում է, որ ԵՄ-ն զիջում է անդամ երկրներից որոշների շահերը միգրացիոն խնդրին լուծում տալու համար»:
Նյութն ամբողջությամբ կարդացեք թերթի այսօրվա համարում։
