Հայոց Արծիվներ. Միասնական Հայաստան» կուսակցության Առաջնորդ Խաչիկ Ասրյանն այսօր հանդիպել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ: Հանդիպման ընթացքում քննարկվել են Հայաստան-Ռուսաստան բարեկամական, ռազմավարական դաշնակցային կապերի ամրապնդման, երկու պետությունների միջև քաղաքական, ռազմական, տնտեսական և մշակութային կապերի խորացման, ազգային արժեքների՝ Հայրենիք, ընտանիք, Եկեղեցի, պահպանության, ինչպես նաև՝ Արցախում Ռուսաստանի Դաշնության խաղաղապահ ուժերի կենսական անհրաժեշտության և ներկայության հետ կապված հարցեր:
«Հայոց Արծիվներ. Միասնական Հայաստան» կուսակցության Առաջնորդ Խաչիկ Ասրյանը վերահաստատել է կուսակցության անխախտ դիրքորոշումը, այն է՝ Հայաստանի զարգացող և հզորացող ապագան կախված է բացառապես բարեկամ և ռազմավարական միակ դաշնակից Ռուսաստանի հետ ազնիվ համագործակցությունից:
«Հայոց Արծիվներ. Միասնական Հայաստան» կուսակցության
տեղեկատվության և հասարակության հետ կապերի բաժին
