Դատարանը ոչ իրավաչափ է ճանաչել Երևանի Մալաթիա-Սեբաստիա վարչական շրջանի Տիչինայի փողոցում տեղի ունեցած ծեծկռտուքի մասնակիցներից Գոռ Բաղդասարյանի և Վահե Նազարյանի ձերբակալումը, նրանք դատարանի դահլիճից ազատ են արձակվել, խափանման միջոց է ընտրվել ստորագրությունը չհեռանալու մասին: Այս մասին այսօր
tert.am-ի հետ զրույցում ասաց նրանց պաշտպան Սասուն Ռաֆայելյանը:
Պաշտպանը ներկայացրեց, որ քրեական գործը հարուցվել է խուլիգանության 4-րդ մասի հատկանիշներով: Վահե Նազարյանը և Գոռ Բաղդասարյանն ունեն կասկածյալի դատավարական կարգավիճակ: Սասուն Ռաֆայելյանը նաև նշեց, որ հունիսի 22-ին նրանք երկուսն էլ ձերբակալվել են խուլիգանության կատարելու կասկածանքով:
«Վերջիններիս ձերբակալումը օրինաչափ չէր, ուստի բողոքարկել ենք, երկու դեպքում էլ դատարանը գտել է, որ ձերբակալումը իրավաչափ չէ: Նրանք ազատ են արձակվել: Ներկայումս նախաքննությունը շարունակվում են, սպասում ենք իրադարձությունների զարգացմանը»,- ասաց նա:
