Երկար տարիներ Արցախի պաշտպանության բանակը ղեկավարած, այնուհետև ՀՀ Զինված ուժերի գլխավոր շտաբի պետի պաշտոնը զբաղեցրած Մովսես Հակոբյանը, «Մարտի 1»-ի վերաբացված գործով անցնում է որպես վկա, սակայն ըստ «Թավշյա հեղափոխության» իշանավորների և նախկին ընդդիմադիրների թեզերից մեկի՝ Մովսես Հակոբյանը կարող է նաև վկայից դառնալ մեղադրյալ և դատապարտվել: Նախկին ընդդիմության և ներկայիս իշխանության մի շարք պնդումների համաձայն, Մովսես Հակոբյանի անունը կապվում է նաև բանակում իրականացված մի շարք կոռուպցիոն սկանդալների և «թալաններ»-ի հետ:
Սակայն նույն այդ Մովսես Հակոբյանը, 2018-ի «Թավշյա հեղափոխություն»-ից հետո, նույն Նիկոլ Փաշինյանի որոշմամբ նշանակվեց ՀՀ գլխավոր ռազմական տեսուչ:
1 շաբաթ առաջ՝ նոյեմբերի 18-ին, վարչապետ Նիկոլ Փաշինյանի հրամանով ՀՀ գլխավոր ռազմական տեսուչ, գեներալ-գնդապետ Մովսես Հակոբյանը և տեղակալներն ազատվեցին աշխատանքից:
Նոյեմբերի 19-ին, Հայաստանի պաշտպանության նախարարի հրամանով Մովսես Հակոբյանը նշանակվեց ՊՆ ռազմական վերահսկողական ծառայության պետ, փաստերեն առանց պաշտոնի մնալով, ընդամենը 1 օր: Նրա տեղակալները ևս արժանացան նոր պաշտոնների:
Այս ամենը փաստում է, որ «Մարտի 1»-ի գործը «ջուր է», իշխանավորների պատվերներով վերաբացված շոու-ներկայացնում, ինչ-որ լսարանի բավարարելու և ուշադրությունը շեղելու համար, այնինչ նույն իշխանավորները հասկանում են, որ նույն Մովսես Հակոբյանին իրականում ամենևին էլ անազատության մեջ հայտնվելը չի սպառնում և նրան կարելի է տրամադրել նորանոր բարձր պաշտոններ: