Մուֆլոնների ու կենգուրուների անկման պատճառ է եղել սուր-ծակող առարկան

ՀՀ ԿԵ սննդամթերքի անվտանգության տեսչական մարմնի ենթակայությամբ գործող «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն»-ի աշխատակիցներն անցկացրել են Կենդանաբանական այգում անկած կենդանիների (3 կենգուրու և 3 մուֆլոն) լաբորատոր ախտաանատոմիական փորձաքննություն:

Տեսչական մարմնի փոխանցմամբ, պարզվել է, որ բոլոր 6 կենդանիներն էլ անկել են արտաքին ներգործությամբ առաջացած, կյանքի հետ անհամատեղելի վնասվածքների պատճառով (պարանոցի վրա սուր-ծակող առարկայի հետքեր, պարանոցային ողերի կոտրվածք, սրտամկանի վրա ինֆարկտային օջախներ, պատռված որովայնապատ և այլն):

Նմուշներ են վերցվել նաև մանրէաբանական հետազոտության համար: Շեղումներ չեն հայտնաբերվել:

Panorama.am-ի լրացուցիչ հարցին, թե հստակ կարո՞ղ են նշել՝ ի՞նչ նկատի ունեն սուր-ծակող առարկա ասելով, ՍԱՏՄ մամուլի ծառայությունից հստակ պատասխան չտվեցին, ասացին. «Սուր-ծակող առարկան կարող է ատամ լինել, իրավունք չունենք գրել ատամ, քանի որ այդ պահին չենք տեսել, չենք կարող վստահաբար պնդել, որ ատամ է։ Այդ առարկան դանակ չէ, դանակի պարագայում կնշեինք սուր-ծակող-կտրող առարկա»։

Հարցին, թե կարող են իրականցրած փորձաքննությունից լուսանկարներ տրամադրել, ասացին. «Մենք նկարներ չենք արել»։

Աղբյուր`panorama.am

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով