«Առնվազն 20 ՀՀԿ-ական կլինի նոր ԱԺ-ում». Արա Պապյան 168.am

«Լավ է, որ ԱԺ-ն լուծարվեց, դա վաղուց պետք է արվեր, սակայն վատն այն է, որ Կառավարությունը, չնայած իր տված խոստմանը, որն է՝ առաջիկա ընտրություններն անցկացնել նոր Ընտրական օրենսգրքի հիման վրա, չիրականացավ, և մենք ընտրության ենք գնում հին օրենսգրքով, ինչը նշանակում է, որ վարկանիշային ընտրակարգը հնարավորություն է տալու 40-ից ավելի անձանց մուտքը խորհրդարան: Ցավոք, սա ԱԺ-ն կապաքաղաքականացնի, քանի որ կեսից ավելին լինելու են քաղաքականության հետ կապ չունեցող մարդիկ»,- լրագրողների հետ հանդիպման ժամանակ ասաց քաղաքագետ Արա Պապյանը:

Նրա կարծիքով՝ գործարար պատգամավորների կամ թաղային հեղինակությունների զգալի մասը որոշ կուսակցությունների հովանու ներքո է լինելու այս ընտրություններում:

«Եթե քաղաքական գործիչ չեն, խորհրդարանում սկսելու են առաջ մղել իրենց բիզնես շահերը, ու իշխանությունը ստիպված է լինելու հաճախ նրանց հետ գործարքներ կատարել: Ես կուզեի, որ նոր խորհրդարանը գործեր 2 տարի ժամկետով, որի ընթացքում լուրջ, այդ թվում՝ սահմանադրական փոփոխություններ կկատարվեին, քննարկումներ կլինեին՝ արդյոք մեզ համար խորհրդարանական երկիր ենք ուզում՝ սուպեր վարչապետությա՞մբ, թե՞ նախագահական համակարգին կարելի է վերադառնալ»,- նշեց Արա Պապյանը:

Քաղաքագետը նշեց, որ խորհրդարանում մեծամասնությունը կկազմի «Քաղաքացիական պայմանագիրը», այնտեղ կհայտնվեն նաև ԲՀԿ-ն, «Սասնա ծռերը», «Լույսի» ընտրազանգվածի հարցն է մի փոքր բարդ, քանի որ ընտրազանգվածը նույնն է, ինչ ՔՊ-ինը:

«Հիմա շատերը ՔՊ-ի միջոցով հայտնվելու են ԱԺ-ում: Ես լինեի «Քաղաքացիական պայմանագրի» ղեկավարը, ընդհանրապես կսառեցնեի նրանց անդամակցությունը, ովքեր այլ կուսակցության անդամ են եղել: ՀՀԿ-ի շանսերը քիչ են, բայց ՀՀԿ-ականները սիրով կմտնեն ՔՊ կամ այլ կուսակցություններ: Առնվազն 20 ՀՀԿ-ական կլինի նոր ԱԺ-ում»:

Արա Պապյանը վախենում է, որ կրկին խմբակային շահերի համար կծառայի ԱԺ-ն:

«Նախկինում, երբ տեսնում էի, որ խորհրդարանում օրինագիծ են քննարկում, սկսում էի մտածել, թե ո՞ր մեկի օգտի համար է, քանի որ ամեն օրենք ինչ-որ խմբի շահերի համար էր անցկացվում: Ներմուծողի, արտահանողի համար, և այլն: Մտահոգությունս է, որ նույն վիճակում չհայտնվենք. խմբակային շահերը հանրության շահերին չգերակշռեն»:

Անի Կարապետյան

 

Նմանատիպ նորություններ

Հայաստանը լրջագույն վտանգների առջև, ծանր իրավիճակո... LIVEnews.am-ի եթերում Հայաստանի և Արցախի առջև ծառացած արտաքին ու ներքին մարտահրավերների վերաբերյալ իրենց կարծիքն ու մտահոգություններն են հայտնում ...
ՀՀՇ-ականները ներթափանցում են իշխանության «վերին էշ... ՀՀՇ-ականների ներթափանցումն իշխանության «վերին էշելոններ» փաստում է այն մասին, որ հեղափոխական իշխանությունը չի պատրաստվում դատապարտել իշխանության բ...
«Ալեքս հոլդինգը» նախորդ տարվա համեմատ 24.6 % պակաս... ՀՀ կառավարությանն առընթեր պետական եկամուտների կոմիտեն հրապարակել է 2018 թվականի հունվար-դեկտեմբերի արդյունքներով 1000 խոշոր հարկատուների ցանկը, որ...
«Կադրային ապաշնորհ քաղաքականությունը կքանդի այն ամ... Կադրային ապաշնորհ քաղաքականությունը կքանդի այն ամենը ինչի վրա կառուցվեց այս իշխանափոխությունը: Հիշումեք՞ մարդիկ ժամանակին խոսում էին,որ իրենք պ...
Մինչ Վարչապետը կոչ է անում ժողովրդին հարկեր վճարել... ՊԵԿ-Ը ՀՆԴԿԱԿԱՆ ԿՈՌՈՒՊՑԻԱՅԻ ՄԱՍՆԱԿԻ՞Ց Մինչ Վարչապետը կոչ է անում ժողովրդին հարկեր վճարել և ՀԴՄ կտրոններ պահանջել ՊԵԿ-ը դանդաղ բայց հաստատուն...
«Քանզի չունեմ ծանոթներ, թողնում են դրսում, իսկ 23 ... «ՊԵԿ-ի նախագահի առաջին տեղակալ Մաշադյանի 23 տարեկան տղան՝ Հարություն Մաշադյանը, ով զինվորական ծառայություն չի անցել,  նշանակվել է Երևանի կայազորի ...
Միայն փաստեր #10. Հայոց Ցեղասպանության միջազգային ... Միայն փաստեր #10. Հայոց Ցեղասպանության միջազգային ճանաչում: Տեսանյութը՝ Սերժ Սարգսյանի ոչ պաշտոնական էջից.  ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով