Հայաստանի 22 ՀԿ-ներ և երեք փորձագետներ խիստ « մտահոգված» հայտարարությամբ, իրենց «զայրույթն» են հայտնում ադրբեջանցի «բնապահպանների» կողմից, Հայաստանի վարչապետ կոչեցյալին ուղղված նամակի կապակցությամբ։ Հարց է առաջանում․ իսկապե՞ս զայրացած և մտահոգված են այդ բոլորը։ Չեմ հավատում։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։
Հայտարարության մեջ «մտահոգված» քաղհասարակությունը մանրամասն բացատրում է , թե ինչ է բնապահպանությունը, Օրհուսի կոնվենցիան, շատ լավ գիտակցելով, որ Ադրբեջանի նախագահի կողմից ուղղորդվող «բնապահպաններին» բոլորովին չի հետաքրքրում բնապահպանական հարցերը։
Միթե՞ նշյալ «մտահոգ և զայրացած» քաղհասարակության ներկայացուցիչները չգիտեն, որ այդ ամենն ունի մեկ մեղավոր՝ Հայաստանի վարչապետ կոչեցյալը։ Նրանք անմեղսունակ, տխմարներ չեն, որ այդ պարզ բանը չգիտակցեն։ Այս հայտարարությամբ նրանք հերթական անգամ իրենց հավատարմությունն են հայտնում պատերազմ հրահրած, հազարավոր զոհեր տված, Արցախն ուրացած, վարչապետ կոչեցյալին։
Հնարավոր է, որ որոշ անձանց հարցում սխալվում եմ։ Հայտարարությունը ստորագրածներից ով հրապարակային հայտնի, որ Արցախը չի լինելու Ադրբեջանի կազմում և Արցախն ուրացողը դավաճան է, պատրաստ եմ նրանից ներողություն խնդրել։
