Մայիսի 4-ին, ժամը 10։13-ին Շիրակի մարզային ճգնաժամային կառավարման կենտրոն ահազանգ է ստացվել, որ Շիրակամուտ-Ձորաշեն դաշտամիջյան ճանապարհին ավտոմեքենան արգելափակվել է Չիչխան գետում. անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ ավտոմեքենան արգելափակվել է դաշտում՝ ցեխակույտի մեջ:
Փրկարարներն արգելափակումից դուրս են բերել «Hyundai Solaris» մակնիշի ավտոմեքենան:
