Սահմանադրական իրավունքի մասնագետ Գևորգ Դանիելյանը գրում է․
Արցախի անկախության խորհրդանիշերն ու սահմանադրական մարմինները «կեղծ ատրիբուտներ» որակելով և ցինիկորեն դրանք աղբաման նետելու իր տխմար կոչերին զուգահեռ, ադրբեջանական բռնապետը չի մոռանում հիշեցնել, որ՝ «հայկական գյուղերը տեսանելի են ադրբեջանական դիրքերից»: Սա ոչ միայն միջազգային իրավունքի, այլև քաղաքակրթության տարրական նորմերի վրա թքած ունենալու վառ դրսևորում է, ինչը սակայն տեղի է ունենում էժան գազ ու նավթ մուրացող միջազգային հանրույթ կոչվածի քար լռության ներքո:
Ցավոք, ադրբեջանական դիրքերից տեսանելի են ոչ միայն արցախյան, այլև արդեն Հայաստանի սահմանամերձ բնակավայրերը: Ի սկզբանե էր պարզ, որ ադրբեջանը, ցավոք, անարգել զավթում է բարձունքներ ու ռազմավարական ճանապարհներ, հապճեպ կահավորում դրանք, որպեսզի կանխի հակադարձման իրատեսական շանսերը և հնչեցնի իր ագրեսիվ նկրտումները:
Դեպքերի զարգացումը միանշանակ վկայում է, որ հանգուցալուծումը մոտ է, բայց ոչ ի հոգուտ այդպես էլ պետության իրական ատրիբուտներ չունեցող թշնամու ….
