ՊԵԿ-ում շարունակվում է մաքսային ծառայողներ պատրաստելու դասընթացների շարքը

 

Հաջողությամբ ավարտած մասնակիցները կստանան աշխատելու հնարավորություն Մաքսային ծառայությունում

Հետևեք մեզ Տելեգրամում՝ t.me/lurer4news

Պետական եկամուտների կոմիտեն տեղեկացնում է, որ շարունակվում է նոր չափանիշներով մաքսային ծառայողներ պատրաստելու դասընթացների շարքը:

Դասընթացը հաջողությամբ ավարտած մասնակիցները կստանան հավաստագիր և աշխատելու հնարավորություն՝ Մաքսային ծառայության տարբեր պաշտոններում: Դասընթացը և դասընթացին առնչվող թեստավորումներն անցկացվում են անվճար հիմունքներով՝ ՀՀ ՊԵԿ Ուսումնական կենտրոնի կողմից։

Դասընթացի ընդունելությանը կարող են մասնակցել հայերենին տիրապետող, 18 տարին լրացած, բարձրագույն կրթություն ունեցող Հայաստանի Հանրապետության քաղաքացիները։

Հետևեք մեզ Տելեգրամում՝ t.me/lurer4news

Դասընթացի ընդունելությունը բաղկացած է հետևյալ փուլերից՝ համակարգչային գիտելիքների ստուգում, մասնագիտական գիտելիքների ստուգում, բարեվարքության վերաբերյալ հարցաթերթիկի ներկայացում և ընդունելության հարցազրույց։

Դասընթացը կանցկացվի տեսական և գործնական փուլերով, նախատեսվում է նաև ավարտական հարցազրույց։

Դասընթացի ընդունելության կարգը, ժամկետները, պահանջվող փաստաթղթերը և այլ մանրամասներ ներկայացված են ՊԵԿ պաշտոնական կայքում։

Դիմում-հայտը կարող եք ներկայացնել՝ այստեղ։

Դիմումների ներկայացման վերջնաժամկետը 2023թ. մայիսի 5-ն է:

Լրացուցիչ տեղեկատվության համար կարող եք զանգահարել՝ 060 844 988, 060 844 986, 060 844 951 կամ գրել [email protected] էլեկտրոնային փոստի հասցեին:

Բարեվարքության թերթիկ (կցվում է)։

 

ՊԵԿ տեղեկատվության և հասարակայնության հետ կապերի բաժին

 

։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով