Ովքեր փորձում են հակադրել Արցախը և ՀՀ ինքնիշխանությունը, իրականում հենց ՀՀ ինքնիշխանության դեմ են պայքարում․ Կարեն Վրթանեսյան

 

Տեղեկատվական անվտանգության փորձագետ Կարեն Վրթանեսյանը   գրում  է.

Հետևեք մեզ Տելեգրամում՝ t.me/lurer4news

«Արցախը ոչ միայն հայկական հող է, Արցախը ոչ միայն Հայաստանի մաս է, Արցախը նաև հայկական պետականության մաս է։

Արցախը Հայաստանի ինքնիշխանության կրիտիկական կարևորության բաղադրիչներից է։
Ովքեր փորձում են հակադրել Արցախը և ՀՀ ինքնիշխանությունը, իրականում հենց ՀՀ ինքնիշխանության դեմ են պայքարում։

Ու սա ոչ միայն իմ՝ որպես հայ ազգայնականի, համոզմունքն է, ես նման բան լսել եմ, օրինակ՝ ԵՄ քաղաքական խոհանոցից քաջատեղյակ, պարբերաբար այդ խոհանոց ելք ու մուտք անող, ինչ-ինչ կաբինետներում ինչ-ինչ հարցեր լուծող  շատ պրագմատիկ մի եվրոպացուց էլ։ Որը ասում էր. «Սա պետք է բացատրեք ձեր իշխանություններին»։

Հետևեք մեզ Տելեգրամում՝ t.me/lurer4news

Միակ բանը, որ նշածս եվրոպացին այդպես էլ չկարողացավ հասկանալ, այն էր, որ Հայաստանում այսօր իշխողները մերը չեն։ Իր ամբողջ փորձով ու գիտելիքով հանդերձ այդ միտքը նա չկարողացավ մարսել։

 Հ.Գ. Գրածիցս տպավորություն կարող է ստեղծվել, թե այդպես ասող միայն մեկ հոգու եմ ճանաչում ոչ հայ։ Իրականում շատ են, ուղղակի գրառմանս մեջ կոնկրետ այս դեպքն եմ օրինակ բերել»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով