«Ժողովուրդ» օրաթերթը գրում է.
Ընտրակեղծիքներով կուսակցության վարչությունը ձևավորած Նիկոլ Փաշինյանի «Քաղաքացիական պայմանագիր» կուսակցությունը՝ իբրև իշխող թիմ, շարունակում է «անողոք պայքարը» ընտրակեղծիքների և ընտրակաշառք երևույթի դեմ:
«Ժողովուրդ» օրաթերթի տեղեկություններով, ՀՀ Ազգային ժողովի նախկին պատգամավոր Աբրահամ Մանուկյանի դեմ հարուցված քրեական գործը կարճվել է. նա մեղադրվում էր ընտրակաշառք բաժանելու մեջ:
Հիշեցնենք, որ 2020 թվականին Ազգային ժողովի նախկին պատգամավոր Աբրահամ Մանուկյանը կալանավորվեց, իսկ ավելի ուշ ՀՀ վերաքննիչ դատարանը նրան ազատ արձակեց: Ազատ արձակելուց հետո նրան ԱԱԾ-ն կրկին կանչել էր հարցաքննության: Հավելենք, որ Աբրահամ Մանուկյանի դեմ միակ ցուցմունք տված անձը «Երեւանշին» ընկերության տնօրեն Վազգեն Պողոսյանն է, որի ցուցմունքը, ըստ էության, չի բավարարել Մանուկյանին պատժելու համար: Եւ արդյունքում երկու տարի անց քրգործը կարճվեց:
Թեև Նիկոլ Փաշինյանի իշխանությունից այլ բան չէր էլ ակնկալվում. նրանք պակաս կեղծարարներ չեն:
