Արթուր Թովմասյանը ֆեյսբուքյան իր էջում գրում է.
Տարբեր տեղեր լսում և կարդում եմ հետևյալ միտքը, թե «ՔՊ»-ը խմբակցության այն պատգամավորները, ովքեր կգան և կկանգնեն Հայաստանի, Արցախի և արդարության համար ընդվզող ժողովրդի կողքին, չեն պատժվի: Մի տեսակ տարակուսանք եմ ապրում այդ գաղափարից… Չե՛ն կարող այդ դավաճան երեսփոխանները խուսափել պատասխանատվությունից: Չ՛են կարող նիկոլի այդ վարձու աշխատողները փախչել խստագույն պատժից։ Չե՛ն կարող այդ ցինիկ ու մեծամիտ սուտասանները շրջանցել օրենքը։ Նրանք գլխավոր պատասխանատուի և մեղավորի հետ հավասարաչա՛փ մեղավոր են Հայաստանի Հանրապետության և Արցախի Հանրապետության կործանման գործում: Նրանցից ոմանք 4.5 տարվա ընթացքում կատարել են դավաճան Նիկոլի ակնհայտ անօրինական հրահանգները, այդ կերպ խաղտելով ՀՀ Սահմանադրության և ՀՀ քրեական օրենսգրքի մի շարք հոդվածները և մատուցած ծառայությունների դիմաց ստացել խոշոր չափի գումարներ և պարգևավճարներ:
Բոլոր նրանք, ովքեր 2018-ին օժանդակել են Նիկոլին իշխանություն զավթելու գործում, պետք է ապաշխարհեն, իսկ եթե ոչ՝ պատժվեն օրենքի ամբողջ խստությամբ: Դա պարտադի՛ր է հետագայում նման ճակատագրական ու կործանարար ընտրությունից և սխալներից խուսափելու համար։ Հաջորդ իշխանությունները պետք է քաղաքական և իրավական գնահատական տան «թավշյա» իշխանազավթումից հետո պետության բռնազավթումն իրականացրած և օժանդակած ուժերին անցումային արդարադատության մեխանիզմի և գործիքակազմի միջոցով։ Միանշանակ նոր իշխանությունները պետք է նաև քաղաքական և իրավական գնահատական տան հողատու «ՔՊ»-ը կուսակցության բոլոր անդամների (առանց բացառությա՛ն) ավերիչ ու աղետաբեր «քայլերին»։
Հ.Գ. «Կուսակցամոլը թշնամին է իր ժողովրդի, բարեկամը՝ իր ժողովրդի թշնամիների»: ՆԺԴԵՀ
