Արցախի իշխանությունը լռելու իրավունք չունի և պետք է պարզաբանի, թե ինչպես են ադրբեջանցիները հայտնվել Արցախի՝ հայկական վերահսկողության տակ գտնվող հատվածում.Աբրահամյան

ԱԺ  պատգամավոր, «Հենակետ» վերլուծական կենտրոնի ղեկավար  Տիգրան  Աբրահամյանը  ֆեյսբուքյան  իր  էջում  գրում է

Արցախի իշխանությունը լռելու իրավունք չունի և պետք է պարզաբանի, թե ինչպես են ադրբեջանցիները հայտնվել Արցախի՝ հայկական վերահսկողության տակ գտնվող հատվածում, ինչո՞ւ է նրանց հանքավայրեր այցելելու իրավունք տրվել։
Չեմ կարծում, թե ռուս խաղաղապահներն առանց Արցախի իշխանության թույլտվությամբ նման քայլի կգնային, եթե նույնիսկ դա այդպես է, ապա դրա մասին պետք է հայտարարվեր։
Սրա պատասխանատուն առաջին հերթին Արցախի նախագահն է և նա պետք է հասարակությանը պատշաճ ձևով տեղեկացնի, խոսի Արցախի շուրջ ստեղծված իրադրության, ռուս խաղաղապահների միջնորդությամբ ձեռք բերված պայմանավորվածությունների և դրա պատճառների մասին։
Ադրբեջանի «բնապահպանների» մուտքը Արցախ պետք է կանխվեր այն ժամանակ, երբ առաջին անգամ Շուշիի հարակից հատվածում՝ Հայաստանն Արցախին կապող ճանապարհին, «բնապահպանական ակցիա» էին իրականացնում, իսկ ավելի ուշ ադրբեջանցիներին ուղեկցեցին ՌԴ խաղաղապահների շտաբ։
Լավ է, որ Արցախում արժանապատվությունն ամեն ինչից վեր համարող մարդիկ շատ են և կանխել են ադրբեջանցիների մուտքը հանքավայրեր և նրանց համապատասխան տեղ «ճանապարհել»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով