«Հայաստան» դաշինքի պատգամավոր Անդրանիկ Թևանյանը ֆեյսբուքյան իր էջում գրում է.
Հետևեք մեզ Տելեգրամում՝ t.me/lurer4news
Ադրբեջանի ու Հայաստանի իշխանությունների քննադատության թիրախում հայտնվել են Արցախում առաքելություն իրականացնող ռուս խաղաղապահները։
Ադրբեջանի ու Հայաստանի իշխանությունները վարում են հակառուսական քարոզչություն, կողմ են ՌԴ–ին մեր տարածաշրջանից հեռացնելուն, ինչը նշանակում է թուրքական գործոնի մեծացում։
Ադրբեջանի ու Հայաստանի իշխանությունները համարում են Արցախը ադրբեջանական։
Ադրբեջանի իշխանությունները հայտարարում են, որ ղարաբաղցիները Ադրբեջանի քաղաքացիներ են, իրենք ղարաբաղցիների հետ կշփվեն ադրբեջանական օրենսդրության շրջանակներում և Ղարաբաղի հարցը որևէ մեկի հետ չեն քննարկի։ Փաշինյանն էլ է, ըստ էության, նույն գծի կողմնակից, պարզապես Ալիևի ասածներին ավելացնում է «Բաքվի ու Ստեփանակերտի միջև երկխոսության միջազգային մեխանիզմներ ստեղծել» ձևակերպումը։
Ի դեպ, և՛ Ալիևը, և՛ Փաշինյանը դեմ են Հայաստանում իշխանափոխությանը։ Երկուսն էլ Արցախն ադրբեջանական չհամարողներին անվանում են ռեվանշիստներ։
Ահա այսպիսի կոնսենսուս կա Ալիևի ու Փաշինյանի քաղաքականության մեջ։ Ահա թե ինչու է փակ Լաչինի միջանցքը և ահա թե ինչու է Փաշինյանը իրեն տարանջատում Արցախի խնդրից։ Արարատ Միրզոյանի Մոսկվա չմեկնելն այդ տարանջատման դրսևորումներից էր։
