Նոյեմբերի 27-ին, ժամը 17:06-ին Արարատի մարզային ճգնաժամային կառավարման կենտրոն ահազանգ է ստացվել, որ Ոսկետափ գյուղի մոտակա կամրջի մոտ տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ոսկետափ գյուղի մոտակայքում «Opel Vectra» մակնիշի ավտոմեքենան (վարորդ՝ Մ․ Մ․, ծնված 1993 թ․) դուրս է եկել ճանապարհի երթևեկելի հատվածից և բախվել կամրջի սյանը։ Վարորդը և ուղևորը (Վ․ Մ․, ծնված 1968 թ․) հոսպիտալացվել են Վեդու ԲԿ, իսկ ուղևորներ Գ․ Մ․-ն և Լ․ Մ․-ն (ծնված 2002 թ․)՝ Արտաշատի ԲԿ: Տուժածների առողջական վիճակը գնահատվել է միջին ծանրության։
Փրկարարները Վ․ Մ․-ին դուրս են բերել ավտոմեքենայից, մոտեցրել շտապօգնության ավտոմեքենային, այնուհետև հոսանքազրկել ավտոմեքենան, փակել գազաբալոնի փականը, սահմանազատել տարածքը և կատարել ճանապարհահատվածի լվացման աշխատանքներ:
