Շարունակում եմ նոր քրեական դատավարության օրենսգրքի նոր տերմինաբանության վերաբերյալ գրառումներս. Այս մասին ֆեյսբուքի իր էջում գրել է փաստաբան Ռուբեն Մելիքյանը․
«Խոսենք քննչական գործողությունների մասին։ Հստակ սահմանվել է, որ «քննչական գործողությունների» նպատակը ապացույց ձեռք բերելն է և ըստ այդմ՝ ներմուծվել է նոր հասկացություն՝ «ապացուցողական գործողություն», որը, բացի քննչական գործողություններից, ներառում է նաև «գաղտնի քննչական գործողությունները» (պռասլուշկա-մռասլուշկա) և «փորձաքննությունը»։
Ի դեպ, դատարանում «փորձագետի եզրակացություն» կարող է ներկայացնել ոչ միայն դատախազը, այլև «վարույթի մասնավոր մասնակիցը», ասել է թե՝ մեղադրյալը, նրա պաշտպանը, տուժողը, նրա ներկայացուցիչը։ Վերջին դրույթը շատ կարևոր է, քանի որ կարող է կոտրել պետության «փորձաքննական մենաշնորհը»»,-գրել է նա։