Արտակարգ դեպք՝ Երևանում. օգնություն ստացած Mercedes-ի վարորդը նախ բողոքում է, հետո Mercedes-ով հարվածում է Niissan-ին

 

Երեւանում, այսօր` հունիսի 3-ին, արտակարգ դեպք է տեղի ունեցել. ժամը 05։20-ի սահմաններում ՀՀ ոստիկանության պարեկային ծառայության Երևանի գնդի 4-րդ գումարտակի 2-րդ վաշտի պարեկները Մանանդյան փողոցում ստուգման նպատակով կանգնեցրել են Mercedes մակնիշի ավտոմեքենա, սակայն վարորդը շարունակել է վարել և հասնելով Մանանդյան փողոցի 16 շենքի մոտ՝ կայանել է մեքենան։

Հետևեք մեզ Տելեգրամում՝ t.me/lurer4news

Shamshyan.com-ի հաղորդմամբ, պարեկները սպասել են, որ վարորդը դուրս գա, սակայն՝ անարդյունք։  Պարեկները մի քանի անգամ ծեծել են ավտոմեենայի ապակին, սակայն ներսից վարորդը ոչ մի արձագանք չի տվել:

Պարեկնեը ահազանգել են ԱԻՆ փրկարար ծառայության 9-11 ճգնաժամային կառավարման կենտրոն եւ շտապօգնություն:

Փրկարարները ավտոմեքենայի ձախ հատվածի հետևի ապակին կոտրելու միջոցով բացում են մեքենայի դուռը, և տեղում շտապօգնության բժիշկը անուշադրի սպիրտով կարողանում է վարորդին ուշքի բերել: Վերջինս դուրս գալով մեքենայից, իրեն օգնության ձեռք մեկնած բժիշկներին, փրկարարներին ու պարեկներին բողոքել է, թե «էս ի՞նչ եք արել», ապա թողնելով ավտոմեքենան դեպքի վայրում, հեռացել է։

Հետևեք մեզ Տելեգրամում՝ t.me/lurer4news

Երբ փրկարարները, բժիշկներն ու պարեկները իրենց աշխատանքն ավարտելով հեռացել են, վարորդը նստել է մեքենան եւ մեծ արագությամբ հեռացել։ Կարճ ժամանակ անց Մանանդյան փողոցին հարակից փողոցում նա բախվել է Nissan մակնիշի ավտոմեքենայի ու իր վնասված ավտոմեքենան, այս անգամ թողնելով այդ վայրում, հեռացել։

Պարեկները ավտոմեքենան ավտոքարշակի միջոցով տեղափոխել են պարեկային ծառայության Երևանի գնդի պահպանվող հատուկ տարածք։

Կայքի տեղեկություններով՝ Mercedes-ի վարորդը Երևանի բնակիչ Սարիբեկ Ս-ն է

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով