ՀՀ երկրորդ նախագահ Ռոբերտ Քոչարյանի որդու՝ Լեւոն Քոչարյանի եւ «Հայաստան. Խմբակցության պատգամավոր Արամ Վարդեւանյանի գլխավորած ընդդիմադիրների երթը մեկնարկել է «Դալմա Մոլ»-ի մոտից եւ շարժվում է դեպի Հաղթանակի կամուրջ:
Ոստիկանները հանգիստ ուղեկցում են նրանց: Ակցիայի մասնակիցները ոստիկաններին տեղեկացրին, որ երթը հասնելու է մինչեւ Ֆրանսիայի հրապարակ:
Ակցիայի մասնակիցները վանկարկում են՝ «պայքար», «միացում», ապա սկսեցին երգել «Զարթիր, լաո» երգը:
«Հրազդան» մարզադաշտի մոտ ինչ-որ պահի իրավիճակը լարվեց, հրմշտոց սկսվեց: Ցուցարարներից մեկը բղավում էր. «Ձեզ խելոք պահեք, արա»:
Ժամանեցին մեծ թվով ոստիկաններ, այդ թվում սեւ բերետավորներ, նրանք սկսեցիօն ուժով բերման ենթարկել ցուցարարներին: Վերջիններս վանկարկում էին՝ «Նիկոլ դավաճան»:
Ոստիկանները քաշքշելով փորձում էին բերման ենթարկել նաեւ Արամ Վարդեւանյանին, սակայն քիչ անց բաց թողեցին: Ոստիկաններին հաջողվեց բացել ճանապարհը, երթը շարունակվեց մայթով:
Նշենք, որ այսօր վաղ առավոտից քաղաքացիները կրկին կաթվածահար են արել մայրաքաղաքի մի շարք փողոցներ:
Նախօրեին ՀՅԴ ԳՄ անդամ, ԱԺ փոխնախագահ Իշխան Սաղաթելյանը հայտարարեց, որ պայքարը պետք է մեծացնեն եւ ընդգրկեն ամբողջ Հայաստանը։ Նա կոչ արեց մարզերի բնակչությանը մարզերում վերսկսել բողոքի ակցիաներ եւ ցույցեր:
Ավելի վաղ NEWS.am-ը հայտնել էր, որ մայիսի 2-ից խաղաղ անհնազանդության ակցիաներ են սկսվել Երեւանում, փակվել են մի շարք փողոցներ: Մայիսի 2-ից Երևանի Ֆրանսիայի հրապարակում հանրահավաքներ են իրականացվում։
